W O O R D E

Inspiring me today!

2012-01-17T21:19:00.001+02:00

An image by Jill Bliss... love the line drawing with the amazing detail and nature theme...

Amazing ceramic work by Valeria Nascimento!!

Wish/dream jar

2012-01-16T13:49:00.002+02:00

What a wonderful experience to make a "wish jar" filled with some of my dreams for 2012!

"You have to be certain about what you really want before you can go after it" - Stephanie Levy

This is our first weekends 'workshop' creating your own 'wish jar' ... mine is filled with dreams for the coming year... and with this focus on creativity the past week (1st week of the Creative Courage e-course) and all the thought on the subject it brought us to a place to write down an inventory of our deepest wishes... making a 'creative dream update'... how wonderful this focus have been... whaw, I've always just had lots of fun with my passion for creativity, but now I'm really thinking what it is that I still would love to do but still has some fears to overcome...

In the coming week we are going to learn how to move from dreaming to doing!!!

Yah! Cannot wait!!

Yippee... day 1 of my Creative Courage e-course!

2012-01-09T22:32:00.000+02:00

This is so cool!! I'm joining my very first e-course and for the benefit of my fellow creative participants that may come exploring my blog I will be posting in English for a while...
A course on creative courage!!! What a way to start a year off with... I love all kinds of creativity... and hopefully with Stephanie Levy's e-course and with the community of like-minded people I will find my way through decluttering or re-focussing or learning how to go about my creativity with more insight and purpose... and somehow I would want to learn to release the fear of some things I still do not believe I can do and find that creative voice that I can call 'my own free way of expressing'... Cannot wait for all the experiences waiting for me in the next 7 weeks of this course!...

Lusmakerboek...

2012-01-08T12:07:00.000+02:00

Het onlangs gehoor van Sonja Loots se nuwe boek, "Sirkusboere" en dit wat ek al daaroor weet (wat nie veel is nie) maak my baie nuuskierig... 'n boek oor 'n opvoering van die Boereoorlog in St Louis, Amerika... klink tergelyketyd vreemd in onderwerp, maar ook vars en maak my dan nou baie nuuskierig.

Ek het in die week gehoor Joan Hambidge het 'n onderhoud met Sonja Loots oor hierdie boek op Leeskring op RSG. Ek kon dit nie daardie tyd luister nie, maar het pas die link afgelaai en kan nie wag om te hoor waaroor dit gaan en hoe en vanwaar dit ontstaan het nie!
(ek sluit die link in - kliek net op "onderhoud" ;) )

Creative Courage

2012-01-08T00:37:00.000+02:00

Ek is baie opgewonde! Vanaf Maandag gaan ek my 1ste e-kursus meemaak... Die 'Creative Courage' e-kursus aangebied deur Stephanie Levy begin Maandag - kan nie wag nie!

Stellenbosch se beelde...

2011-11-21T18:44:00.001+02:00

30 beelde oral in Stellenbosch herdenk 2 dekades van Suid Afrikaanse beeldhou. Van die meer tradisionele beelde... tot 'n beeld wat die hoeveelheid grond (6 voet) bo 'n kis voorstel... asook 'n klomp klere gehang aan wasgoedlyne - genaamd 'Gekleurde gebede'...
In Dylan Lewis se uitstalruimte laat sy 'koffietafel' my dagdroom van Rodin...

Hekelkuier

2011-10-09T21:58:00.002+02:00

Op 'n Saterdagmiddag kuier ek en twee vriendinne heerlik rondom hekelpenne en sjokolade koek. Ek is besig met 'n 'blommetjie-kombers' en die twee vriendinne wil die blommetjies leer hekel...
Die een blommetjie word 'n amper-klaar borsspeld en die ander blommetjie vorder nie verder as sy middel nie - die wol was dik en die stewige binnekant herinner aan 'n ring... 1...2...3 het ons 'n knopie binne in gewerk en my geliefde buig 'n stuk stewige koperdraad vir die ring... die wolring word vasgewerk aan die koperdraad en 'wha'la' ... 'n oulike ringetjie.
Die sjokoladekoek wat saammet die kuier gegaan het ... is uit die nuutste RooiRose en aanbeveelbaar!

Inspirasie van 'I love pom-poms'

2011-09-17T22:41:00.002+02:00

Lees Cornel Strydom se blog, 'I love pom-poms' raak en kan nie ophou kyk na al die inspirerende fotos van hedendaagse hekelwerk nie!

Inspirasie en Lauren Fowler

2011-09-11T12:20:00.001+02:00

In die afgelope maand besoek ons 'The Fringe' in Kloofstraat in Kaapstad en leer ken ek die werk van Lauren Fowler. Hier is 'n gedeelte van 'n inskrywing op haar blog wat my grootliks inspireer:

"I was born, 1985, cape town city bowl.

I drew 8 legged butterflies.

I went to school and hated my drawings and had holes in my knitting.

I went to high school and doodled cartoons of me and my friend kim.

I went to college and learned about scamping and drew motorbikes.

Then, one evening, my brother mentioned how he loved that my characters had such a range of emotions with such few lines.

Then. I saw it too.

Then other people saw it.

My confidence grew as I drew and eventually, very quietly, I tried calling myself an illustrator.

It felt nice. I did it more often. I told everyone, I told the magazines, I told the agencies.

Now it’s on my business card."

Lauren Fowler by The Fringe

2011-09-04T21:01:00.002+02:00

Pic van 'The Fringe"

The Fringe in Kloofstraat het 'n inspirerende seleksie van SA ontwerp in hul winkel. Lauren Fowler is op die oomblik hul 'resident artist' en sit in die winkelvenster besig met oa kruissteek werk. Sy inspireer my behoortlik met haar moderne aanslag!

Onlangse hekelprojekte

2011-09-04T20:53:00.000+02:00

Ek het hekel agtergekom.... wat 'n stress ontlaaier!

ons rit na Betty se baai

2011-05-09T21:11:00.000+02:00

Statiese geel konfetti blommetjies langs die pad... Branders maak moeiteloos kragtoertjies... Rooi-bruine, geel, oranje, pienke, vuur gevang in klip! Droe protea'skaduwees teen gebrande berghange. Net voor Rooi Els word die klippe langs die pad gestroop van kleur - witgrys. "Van die vreemste goed het jy sin gemaak" sing Lize op die CD in die motor.
Na Rooi Els is daar vlaktes fynbos wat groen-geel blink as die son daarop skyn... andersins le^ hul koel en klam die vallei vol.
Pringlebaai wink regs maar ons hou reguit aan.
"Journeys end" 'n blyplek net langs John the Potter se^ dan nou ook hoe dit vir ons is...
John the Potter se warm gekleurde potgebak verwelkom ons en salig muse ons tussen donker smeulende rooie, goud en purper...
My oe trek spontaan op skrefies vir die grys-glinsterblink see as ons oor die berg kom terug by Rooi Els verby.
Die berge op die pad geyk majestueus elegant gevou tot teen die see... die pad wat ons volg net 'n kielie aan hul voet...
'n Toevallige seemeeu hang soos 'n kindertekening in die wind.
Golwe skuim en breek uit in 'n fynsproeier oor groot rotse.
Dan 'n stukkie gladde seesand met branders wat uithardloop asof deel van die groot kat familie opppad na 'n prooi...
Lize sing van die genade water in die Karoo en ek verstaan van 'n ander plek se waterseen...

Woordfees: Andries Gouws

2011-03-26T14:26:00.000+02:00

Andries Gouws se skilderye van voete trek deesdae aandag... maar sy stil interieurs vang telkens my oog....

Kuns: Woordfees

2011-03-26T14:17:00.000+02:00

Ons is besig om in te pak... vir die 'groot trek' na 'n nuwe huis. Dus is dit ons nie hierdie jaar beskore om baie vertonings by die Woordfees in Stellenbosch te gaan kyk... soos gewoonte dit gehad het... ander jare nie.

Maar die kuns kon ons nie mis nie en gaan doen die ander dag 'n rondte by al die kunsuitstallings... die 'tower' we^reld van Ruby Mary Olive Reeves se detail skilderye is iets om te sien! ... detail aan baie ander skilderye trek ook my aandag...

positiwiteit...

2011-02-06T20:19:00.000+02:00

'n Marieke Prinsloo beeld op die Seepunt promenade

Altyd lekker om positief te voel... kans te sien... uit te sien na more. Die lees van een van my gunsteling blogs, "My Kop op 'n Blok!", het 'n heerlike aksent kom sit op die gevoelens in my.

Die inhoudsopgawe van een van Richard Branson se boeke ("Se maai, laat waai"):

1 Doen dit net!

2 Geniet dit

3 Wees dapper!

4 Stel vir jouself uitdagings

5 Staan op jou eie bene

6 Lewe in die oomblik

7 Waardeer familie en vriende

8 Betoon respek

9 Doen goed.

'n Henk Serfontein rondleiding

2011-02-01T20:36:00.000+02:00

Afgelope naweek gaan bekyk ons die kuns by die Suidoosterfees in die ArtScape... 10h30 meld ons aan vir 'n rondleiding deur die kunstenaar, Henk Serfontein... Hy is die kurator van die Suidoosterfees se kunsuitstalling genaamd, 'Terpentyn'...

Ons het baie uitgesien om die man agter die skilderye te beleef... en wat 'n bederf! Henk maak die kuns van die wye verskeidenheid kunstenaars so ongelooflik toeganklik met sy gemaklike manier van vertel - in die mooiste Afrikaans! en met 'n heerlike hoeveelheid kennis oor kuns...

Van die post-modernistiese interpretasie van die verlede deur Anton Karstel, met sy kunswerk se atmosferiese Monet gevoel...

... tot die painting deur Wonder Marthinus, wat jare op Tafelberg gewoon het en nou in 'n kunsateljee sy werke maak... kunswerke vol fragmentasie en suggesties wat 'n mens intrek en wil probeer ontrafel...

... Ricky Daloyl... wat 'n grootse painting lewer... vol beweging en kleure van die grond...

en natuurlik praat Henk ook oor sy eie kuns... daardie manjifieke nagtonele... waar plek en drama meer word... oomblikke van transisie... 'n moment... 'n stilte... net jy besig met die beeld voor jou... eienaarsskap.

Die patroon vir 'n vakansie...

2011-01-15T21:32:00.000+02:00

Ons gaan hou 'n seevakansie en oral trek patrone my aandag... op 'n kragboks langs die pad in Mosselbaai... die kantgordyn in ons seehuisie op Glentana en sy 'novilon' vloer... die retro-strandhanddoek... die tafeldoek by 'n eetplekkie genaamd, 'Tafeltjie dek' in Groot Brak...

Om vorentoe te kyk na 'n Nuwe Jaar...

2011-01-01T12:01:00.000+02:00

In 'n tuin in Parys

In een van my vele gunsteling blogs, ene van Keri Smith lees ek die volgende raak... wat iets is van wat ek voel oor die jaar wat voorle^...

"Everything is green.
Everything is waiting and still.

Slowly things begin to move,
to slip into their places.
Groups and masses and lines tie
themselves together.
Colors you had not noticed
come out, timidly or boldly.
Here is a picture, a complete
thought,
and there another and there..."

- Emily Carr 1935

Dis Kersfees...

2010-12-25T22:11:00.000+02:00

My geliefde en ek wens in hierdie Kerstyd vir jou 'n gewaarwording van die grootsheid van hierdie herdenking...

Dis alweer sulke tyd...

2010-12-02T17:00:00.000+02:00

Waar is die tyd heen... daardie laerskool dogtertjie van toendertyd wat nog steeds binne my lewe... word vandag 'n volle 41!! ...

Druk
die dag sag
Tussen die nawel
en die vlammende
rooi kroon
breek die duisende
klein harte
van die son
lag
die son
deur jou vingers

- woorde van Jan de Bruyn (effe aangepas)

SkinnyLaminx

2010-11-21T19:53:00.000+02:00

Heather Moore (alias 'SkinnyLaminx') jy maak baie mooi!! ...het hierdie kunstenaar se ope dag by haar studio in Buitengracht straat BAIE geniet...

Sy trek na 'n nuwe uitstalruimte en open komende Woensdag daar! ... gaan loer bietjie by www.skinnylaminx.com

Reise met die Beminde

2010-10-23T14:18:00.000+02:00

Afgelope Saterdag open 'Reise met die Beminde', 'n kunsuitstalling in die Breytenbach Sentrum in Wellington met skilderye wat jou dink en jou voel prikkel, deur Marriana Booyens en absolute sensitiewe fotografie deur Henk Venter...

Oral tussen die kunswerke hang gedigte deur Marriana uit die dak;

Genade op die pad

Hoe ver het jy gegaan
om jou hart te verloor?

Hoe ver moes jy reis
om dit alles
weer terug te kry?

-Marriana Booyens

gehekelde hartjies

2010-09-19T21:10:00.000+02:00

...die hekel-gogga is steeds aan die byt... en na die hekel van 3 harte... word hul geskenk-sleutelhouers vir 3 vriende wat oorsee gaan reis...

woorde..

2010-09-15T21:30:00.000+02:00

“Sou iemand vir my vra: As jy vir die res van jou lewe met een boek op ‘n eiland moet sit, watter een gaan jy kies? Oor hierdie vraag hoef en nie eens tweekeer te dink nie. Vergeet maar van Shakespeare of Tolstoy.Ek sal beslis vir ure, ja,vir die res van my lewe lank met Leon de Stadler se Groot Tesourus van Afrikaans in ‘n palmboom se skaduwee sit terwyl ek die dolfyne dophou en met my wysvinger versies in die nat sand skryf.” ...so skryf Philip de Vos op Versindaba se website! ...
Sien uit na die opkomende Versindaba nou Vrydag en Saterdag...

'n Dagreis...

2010-08-29T22:15:00.000+02:00

Stoppelbaardbome sonder blare wat hier-hier staan teen die hange aan die annerkant van die tonnel... Die mis hang laag oor die boonste bergtoppe soos watte bly dit klou ... al word die wegtrek dun... 'n Waterval in 'n klofie oorgroei met bome...
'n Huisie, al-een, in 'n vallei met die son wat daaroor breek en oor die klipperige stuk-stuk groen berghang agter hom...
Vir oomblikke stroom die son ook deur die motorruit en ek skryf skrefiesoe oor hoe dit my agterlaat, wanneer dit weer wegskuif agter mis en reendruppels liggies teen die voorruit val.
Die Goudini-Spa woord met klip gepak... 'n litteken teen die koppie gaan stadig links verby.
Die Saterdag Burger steel my aandag en vang my vas in geweld, politiek, die alledaagse...
In die Kogmanskloof wag die Old English Port ons in en verwelkom ons in Montagu... berge reg om jou... omsluit... met punte ruwe rotsklip wat almal in vormasie deursteek deur die groen teen die hange aan...
Montagu se village market lok ons nader... en verlei ons met soet, bloedrooi aarbeie in strooisuiker, pannekoek en springbokpastei... later ... ondertoe in Badstraat gaan kry ons varsgestopte wors en kurkdroe sagte droewors... waarmee ons weer in die stad vir 'n tyd kan uitkom...

By Die Stal gaan drink ons die plaas-stilte in... tot diep binne... ons eet tripple dekker plaasbrood met hoender en gerookte ham... drink gulsig van hul vars perskesap... en koop botteltjies vol grenadella marmalade...
Boordvol bloeiselbome lei ons terug die Kogmanskloof in...
Net voor Ashton neem die R60 ons links na Bonnievale... 'n wingerd en-route wys skugter geel-groen blaartjies ... net-net loer hul uit sluimerende wingerdlote...
Bonnievale: ...vol leivore met donker water gevulde belofte glinster skalks...
Parmalat kaas en die Wyn boetiek is reeds gesluit... die Spar lewer wel de Hoek heuning op - pynlik presies organies verbou deur 'n Switser wat in die omgewing boer...

om te hekel...

2010-08-28T22:03:00.000+02:00

... die kreatiewe het altyd 'n manier om 'n weg te vind na my hart en vandaar moet dit gevier word... die dat die gehekelde teemus in 'n tydskrif nou die dag my aandag trek... tot so 'n mate dat ek, ongeletterde hekelaar... myself dae daarna bevind met 'n hekelpen en wol in die hand... en die glimlag van 'n kreatiewe uitdaging op my mond :) ... die eindresultaat... die bewysstuk van kreatiewe bevrediging... wel, in die foto hierbo...

Visi 50 top ontwerpe

2010-08-18T21:01:00.000+02:00

Gaan komende naweek die uitstalling van VISI se top 50 ontwerpe oor die afgelope 12jr bekyk by die iart-gallery in Loopstraat... kan nie wag nie!

'n Gateau!...

2010-08-15T22:06:00.000+02:00

Het vandag 'n aarbei en room gateau gemaak! ... mmhh... was heerlik... net soos die lekker kuier wat saammet dit gegaan het...

Hanna Hoekom...

2010-08-15T11:59:00.000+02:00

'n Heerlike ligte kunsfliek in Afrikaans!! ... 'n Onkonvensionele familie gaan hou vakansie in die berge... Manna 'n kunstenares kry lank terug lus vir kinders en haar gay pel help uit... so ontstaan Hanna... later het sy nog 'n baba deur middel van spermdonor... dan ontmoet sy vir Beyers met sy seun by 'n aktrise.. saam het hul dan ook 'n seun (dis nou as ek die familie reg verstaan!) ... die hele kaboedel kuier saammet Hanna se pa en Beyers se seun se aktrise ma in die berge... waar hul vir 'n rukkie 'vasgereen' is in 'n baie eenvoudige huisie... Alles 'n resep vir 'n lekker kyk storie...

Fees van boeke in die Kaap

2010-08-11T19:18:00.000+02:00

... 'n mengelmoes gemaal van mense nou die Saterdag en Sondag (1 dag was net te kort vir die omvangryke ervaring) in die KIKS ini Kaap... en die rede.... boeke en nogmaals boeke... lekker!

Prentjies hierbo van van die boeke wat ons nie kon weerstaan nie... en natuurlik was daar die eerstehandse ervarings van die skrywers self...

Jeanne Goosen wat vertel van haar intieme ondervindinge met plante... en dat hul inderdaad kan praat... so het viooltjies al vir haar vertel hoe baie hul hou van geriffelde vensters... en van huisgodsdiens en van musiek... maar defnitief nie van die TV nie.

Andries Bezuidenhout meen dat die welgesteldes sal altyd toeriste wees... die armes is die wat die aarde be-erwe... Hy wens ook dat mense meer interesant sal wees as om net hul stereotipes uitteleef...

Carina en Daniel Hugo gesels oor Daniel se vertaling van Jan Terlouw se boek "Koning van Katoren" ... en maak jou so nuuskierig oor hierdie sprokie van 'n storie...

In die Badenvallei vind ons vlugtig rus

2010-08-10T18:04:00.000+02:00

... net die wind en die roer van die blare teen mekaar en soms 'n vae insekgeluid... 'n hond blaf in die verte... ek sit op 'n rotstuin klip tussen 3 tuintjies van klip... sappige vetplantblare... 'n skelpienk reuse vygie... klompe pers blommetjies... oranje-peul-kelkies op lang stingels... groen aalwynblare wat uitmond in rooi punte - die we^reld vol... stewige stingels vanuit die grond met donker pers-swart vetplantrose gedrapeer rondom... knoetserige liggroen-geel blare wat wil-wil pienk skyn... die groen wat deurskyn waar die son dit van agter verlig... vinger-vetplantblare rank oor die tuin van klip...

Walking the Road

2010-06-28T18:37:00.000+02:00

Ek deel graag hierdie 'gelooflike' projek waarvan ek onlangs gehoor het... www.walkingtheroad.com

En om meer te vertel... stel ek Marieke Prinsloo self aan die woord:

"I have been working towards completing my Masters Degree in Fine Art focusing on Public Art (at WITS) and am delighted to have this opportunity to do a live experiment with the basic tenets of my thesis. The title of my study is"Contemporary Stagings of the Tableau Vivant" and considers using narrative as a way of inspiring dialogue between us as the public and a public art piece.

It is a great privilege to tell this story to my fellow South Africans as a homage to all who in their daily civilian life make the choice to "Walk the Road" and in so doing build a nation that is able to fly.
The Little Girl in my fable-like interpretation thus represents a young South African democracy and the Dragonfly visualises a dream of freedom, equality and hope that we as a nation persue.

On a personal level, it is also a reminder to each of us of the hope that we individually live for and of the dreams that mark our lives, our own story.
The 18 sculptures are to be on the Promenade for twelve months and will be removed again in June 2011.

Walking the Road is set in place with the permission of the Sea Point Ward Council and Sub Committees. It is something of a pilot project towards a more detailed Public Art Policy for the City of Cape Town with the hope that there will be more Public Art to follow in the City at large.

For the project Walking the Road, however, all responsibility for sculptures, installation, maintenance and removal is that of the artist. I am honoured to be sharing this story with you." Marieke Prinsloo-Rowe

Lucian Freud

2010-06-20T11:13:00.000+02:00

In gister se Burger skryf Marie Stander, 'n kunstenaar van Jamestown (net buite Stellenbosch) in die 'Kunskyk' rubriek oor die kunstenaar Lucian Freud.
Marie, wat self 'n fassinasie het met die uitbeelding van mense, vertel dat die werk van Lucian Freud vir haar verruklik is. Die sober emosie en karakter in sy modelle, sy taktiele, amper kru, oorlaaide aanwending van verf het haar ingetrek.

Vir my is dit ook die emosie wat my intrek... asook die onderbeklemtoonde kleure wat hy gebruik en die losheid in sy styl wat saamkom tot 'n uitsonderlike geheel.

Oppad na Paternoster...

2010-06-09T15:26:00.000+02:00

Afgelope Saterdag kies ons kortpad deur Durbanville se heuwels rigting Paternoster.

Nuutgegroeide gras skyn groen op, deur die ry op ry wingerd waaraan nog net die hardnekkigste herfsblare bly vasklou...
Die son val sag deur miswolke en skitter wild blink op vanuit die klammigheid langs die pad.
Die mistigheid sak laer en laer af... filtreer die son heeltemal uit... bome doem op soos silhoeet-spoke langs die pad en meteens is die lug weer poeierblou en die fynbos kleure flikker van oral om ons... 50 km voor Velddrif... dan raak die lig frons-wit... die spookbome verskyn weer... en die mis kom sweef weer laag om ons...
Suiwer sagte sonlig glip soms deur en die groene word sag, lewendig om 'n koperkleurige plaashek met ryk bruine wat jou lok in die plaas se pad af... 'n Oomblik van balans... ewewigtigheid... vredevolheid... heelheid... vlietend het dit jou deelgemaak.

By die afdraai na Vredenburg kry ek 'n dankie-vir-'n-lekker-aand sms... gisteraand hou ons 'n op die ingewing kunsbesigtiging vir 'n paar vriende wat nog nie Hugo se nuutste beelde te siene gekry het nie.
My 1ste skildery van 'n gesig is ook pas klaar en ek deel ook dit met trots in die vriendelike omgewing...
So met kuns en rooiwyn en sjokolade saam, raak 'n gewone Vrydagaand baie spesiaal...

...deur Vredendal... annerkant uit kom skyn die son plesierig op die geel-groen lande... skape le^ lui, volgevreet... skaars bewus van ons...
Die warmte van die strale stoot ons vinniger en vinniger oor die bulte en dan is ons daar... links verby "Oep vi Koep" tot by die Stone Fish Studio Art Galley... Hugo laai sy 2 beelde vir die opkomende "Whiskey and Chocolate" uitstalling af...

Onner by die On the Rocks Take Away is ons 'order' 3de na 'n stil paartjie reg langs ons en die ouerige man en vrou daar annerkant wat al lyk soos broer en suster van lank getroud wees...
Net 7min se^ die vriendelike vrou met die harde stem...
Ons sit lui in die wintersonnetjie en trek die sout-see-lug tot diep binne...
Ek skryf geskrifte en my geliefde raak rustig met 'n uitsig oor die ligste-blou see wat branders melancholies uitwerk tot op die lang wit strand.
Die rooidak van die 'Voorstrandt' restaurantjie is hiernaby en van daar le^ 'n ry wit huisies al met die baai saam...

Ingrid Winterbach

2010-05-30T18:46:00.000+02:00

Vorige Saterdagoggend gaan luister ons die gesprek tussen Ronel Vorster en Ingrid Winterbach oor haar nuutste roman, "Die Benederyk", by die Proteaboekwinkel in Stellenbosch.

Ronel gebruik woorde soos meesleurend, meevoerend, meervlakkig... in verband met die roman.

Soektogte, geheime, speurtogte.... maak alles deel uit van die boek.

Volgens Ronel kry Ingrid dit reg om iets wat bekend is te herskryf tot iets vreemds... sy fneuk die leser se verwagting...

Ingrid vertel sy wil nie regtig he^ dat die titel "Die Benederyk" aan enige iets spesifieks gekoppel moet word nie... maar sy bring tog die vergelyk van die skryfproses wat gesien kan word as 'n soort afdaal... 'n gaan haal... 'n 'gevaarlike reis' ... en dan die terugkom en kom wys. Tog is daar vele ander assosiasies wat raakgelees kan word in die boek.

Sy se^ vreemde segswyses inspireer haar... iemand wat so bietjie anders praat as die gewone.

Volgens Ingrid sal die boek vir enige een lekker behoort te wees om te lees... maar dit is wel meervlakkig en "vir die ingewydende is daar ekstra plesier".

Ingrid vertel dat sy nooit gedink het dat sy as skrywer bekend sou word nie... sy is as visuele kunstenaar opgelei en het gedag dit is haar 1ste talent ... sy se^ sy voel altyd so bietjie wederregtelik omdat sy nie meer fokus op haar kuns nie.
Sy beoefen wel beide die skryf en skilderkuns... wat sy se^ baie energie neem... dreienerend...

"Met ander woorde" aand

2010-05-22T20:01:00.000+02:00

Ons eerste woorde-aand in 'n laaanng tyd... kompleet met allerhande hoede vir pret en 'n tafeldoek waarop ons mag skryf en teken....
Stadig maar seker het die tonge los en lus geraak vir deel en is eie woorde uitgehaal...
Die aand het beslis my liefde vir woorde weer so 'n hupstoot in die regte rigting kom gee...

Een van die gedigte wat die aand my aandag getrek het...

Parys met Pase

Nou is alle eiers betowerd,
die hase sit die winkelversters vol
en bo dit alles: skitterende sonskyn
oor die koepels en die triomfboe.

Ek staan in die tuin
van die Rodin-museum,
kyk oor sy gebukte denker
tot by die Invalides
waar Napoleon rus in sy praalgraf.

'n Entjie weg verskyn ten oordeel
die ses burgers van Calais,
tou om die nek, met lee oe,
doodsbereid as net hul stad gespaar kan word.

In hierdie lentedae is Parys
my opstanding en hemelvaart,
maagdelike stad, meisie van die Seine,
verkrag op die Place de la Bastille
en wie-weet-waar tot ook by St. Michel
- "Boul' Mich" van die studente, heerlike boulevard-
waar teer gegooi is oor die mooi keistene
sodat niemand weer 'n klip kan optel
vir 'n nuwe revolusie nie.

Lina Spies

My man en kuns...

2010-05-12T23:20:00.000+02:00

Die groot gedeelde passie tussen my en my geliefde is "alles wat kuns is" ... dus my groot trots op sy afgelope werke...

Die vredes-borde is deel van 'n uitstalling op die oomblik by die ArtB-gallery in Bellville... sy borde is die een met die man met die vlerke... die gasmasker waaruit 'n plantjie groei ... en die seuntjie met die kam in sy hare...

Die beelde van die man en vrou figure is vir 'n uitstalling, "Whiskey and chocolate", in Junie in Paternoster by die ateljee van Dianne Heesom.

Ma

2010-05-09T22:22:00.000+02:00

Partymaal het ek die huis nodig
waarin my ma was,
... en my ma
dan kon ek teruggaan en se^ ma
ek weet nie meer raad nie
en wat doen ek nou?
en ma sou se^ ag my kind
wat kan mens tog maak?
ja dinge is maar swaar
en dan sou ek beter voel

maar nou weet ek nie

-Hannes de Beer

Kunste Karoo...I

2010-04-27T17:59:00.000+02:00

Evette Weyers beelde

Dou voor dag ry ons uit die Kaap… ons het net 4 dae by die fees… dié een ingetel. Net voor Barrydale sit ons op die bakkie se afslaankap met koffie, broodjies en hard gekookte eiers en uitkyk oor die plattelandse oggend landskap…

Net voor Oudtshoorn wag Strijdom van der Merwe se landkuns ons in… oral langs die pad is rooi figure besig om teen wit lere uit te klim. Die leer as simbool van sukses… mik hoog… inspanning is altyd nodig om nuwe hoogtes te bereik.

‘n Uur of 2 later sit ons in ons 1ste vertoning… Klopjag saammet Dana Snyman het pas verskyn… die droë ys rook marmerpatrone in die teaterligte… Dana se stories vol eerlikheid en giggel… voer ons mee…van sy geboortedorp, Danielskuil …deur ons land tot in Namibië…

Die middag durf ons die kunsmark aan… mense staan in lang rye… ongewoon… ons moet R40 betaal om die sg. “Rivierbuurt” te betree…ons voel ongelukkig… maar die reël is gemaak en ons is dáár…
Binne is die voorspelbaarheid groot… tog maak Braam van Wyk oomblikke spesiaal toe hy ons met die hand groet. Sy etswerk, saammet sy gesels, soos altyd ‘n inspirasie…
‘n Geselsie en aankope by die Wildflower mense maak ons kreatiwiteitslus nog meer…

Moeg… na ‘n Oudtshoorn-warm dag kuier ons die aand saammet familie en die lag en gesels rank tot laatnag…

Na ‘n lekker nagrus is ons reg om te gaan kuns kyk... aan die begin van Baron van Reede gesels Doris Brand van die Cape Palette gallery( www.capepalette.co.za) in George vriendelik met ons oor hul uitstalling hier by die KKNK. ‘n Hele paar pragtige protea skilderye van haarself duik oral op.

Evette Weyers se beelde werk is weereens daar en steeds laat sy jou glimlag met haar speelsheid tussen woorde en kleibeelde

Oomblikke in die Prince Vincent kunskafee… omring deur landskapfotos vol emosie. Die passievolle gesels van die fotograaf, Ian van Straaten (www.ianvanstraaten.com) vul ‘n goeie halfuur langs ons tafel. Sy bemarker, Nicky Enslin, seën ons met heerlike appeltert versier met room en granaatpitte…uit die hoogste rak!

2010-04-20T20:56:00.000+02:00

Ryno Swart se "Camilla"

Herfs

Hoe kon ek weet dat hierdie herfs
in my sou kom knop soos die lente
met die verlange na oopgaan in my toekeel
en trane agter die lede van my oe
- in die gety wat toelaat dat mens die son aankyk -
terwyl ek stap onder die bome se triomfboe
en weet ek is verslaan deur die liefde.

O, liefste, liefste, jy het al my seisoene aangetas,

in die rooiste herfsblaar 'n bloeisel ingepas.

Lina Spies

Weskus ervaring..

2010-03-31T21:17:00.000+02:00

… nou die dag in Laaiplek kuier ons die oggend in die Pharos kafee…
oral is daar tekens van ‘n liefde vir woorde… ‘n boekrak met van die nuutste publikasies… oa Plaasmoord van Karin Brynard (waaraan ek op die oomblik lees)… ‘n hele paar publikasies van “Die Kakkerlak”, ‘n wonderlike publikasie vir boek- en woordmense... ook ‘n hele paar uitgawes van die Boeke-Insig…

Op die onderste vlak van ‘n lae kuiertafel sien ek die Rapport se boeke-deel uitsteek… Hier vind ek… ‘n onderhoud met Fanie Olivier oor sy bundel, “Apostroof”, ‘n aangrypende kort vertelling deur Welma Odendaal en nog baie ander lusmaker-artikels… Louise van die Pharos kafee is so vriendelik om dit vir my te gee vir later se volledig lees!

Ons besluit om uit te ry Paternoster se kant toe.

Oppad … plaas opstal geboue wat oopstaan… die Uitkomsboerdery… vol aktiwiteit… beeste met koppe wat herinner aan Nicolene Swanepoel kunswerke. Die bewolkheid en die monotoon kleur maak ‘n Niel Jonker atmosfeer…
Op ‘n pasgekoopte CD sing Laurika… “…vir ons ‘n kaalvoetsong met woorde soos die sand en kommas soos die klippies wat my kaalvoetsole brand”

Bay Watch Villa se goudgeel bord gaan regs verby… en vertel ons is amper in Paternoster…

In “Oep-vi-Koep” ruik die mans na stadsparfuum…

…buite sing 5 kindertjies vir ons ‘n sonskyn liedjie oor Paternoster en terwyl ons ‘n geldjie soek… trek hul weg met Vader Jakob… oomblikke vol mooi …

Onder by ‘On the Rocks’ wegneemetes is ons nr5… en moet ons wag tot die getalle by 30 gaan draai om weer by 1 te begin… Ons eet gulsig aan die snoek en slaptjips toe ons beurt kom.

Al wat mens is uit die stad is daar… elke nou en dan herinner ‘n motoralarm ons aan voorstedelike vrese…

Ons hoor van iemand dat ‘n pragtige gastehuisie opi strand vra R650/persoon/nag…

Met die wegry… ry ons eers ‘n draai deur die dorp… tot in Warrelklipstraat waar ek lank terug se lekker-kuier onthou…

Later die middag ry ons uit Dwarskersbos oor die wit bruggie… die son trek water… ‘n pa-figuur en 2 kinders laat klippies hop op die water en hier en daar staan vissermanne nog hoopvol rond.

Dwarskersbos, Laaiplek, Velddrif, Stompneusbaai, St Helena… met die laaste goue flikkerrandjie oor om die wolke … Tafelberg misterieus uitgewas van kleur… ‘n amper silhoëet, met sagte mislyne… ry ons die Kaap weer binne…

Woordfees: nog hoogtepunte...

2010-03-14T13:45:00.000+02:00

Amanda Botha doen 'n rondleiding in die Rupert Museum in Stellenbosch... sy hou ons aandag met allerlei staaltjies en stories oor die 4 kunstenaars (Irma Stern, Maggie Laubscher, Jean Welz en Cecil Higgs) onder bespreking.
Sy vertel oa dat Irma Stern vrou alleen in 'n Ford motortjie gereis het in Afrika... na onder meer die Belgiese Kongo en Zanzibar... In Zanzibar bevriend sy die sultan! ...en gaan tuis in die sultan se paleis wat op die see gelee was... hier had sy haar eie verblyfkwartiere en ook huisvroue wat haar oa help met aan en uittrek!
Ons kry ook die 'Granaatverkoper' te siene wat 'n hele paar miljoen rand werd is.

Die 'Oopmond Poetry Slam' was 'n baie interesante belewenis... 2 spanne digters van 2 in 'n span ding mee teen mekaar... 1 uit elke groep kry 'n tema uit die gehoor en moet binne 10 min 'n splinternuwe gedig skryf... intussen lees die ander - na 'n tema weereens uit die gehoor - gedigte uit hul digbundels... telkens gee die gehoor punte. Wanneer die digters hul splinternuwe - binne 10min geskryfde gedigte - voorlees... is daar 2 spanne van 2 elk musikante wat dan 2 van die 4 nuwe gedigte kies en binne 20 min moet hul dan 'n song maak hiervan! Die eindresultaat was die mees amazingste liedjies... om die digters se gesigte dop te hou wat pas die nuwe gedig geskryf het... terwyl hul dan luister na hierdie pas getoonsette lied daarvan ... was 'priceless'!

Dave Pepler gesels oor die stories wat hy geskryf het in die boek "Immergroen"... Hy geniet die esoteriese kyk na 'n ding... 'n vreemde kyk na 'n gewone ding... Hy se^ dat hy probeer wegbeweeg van die oppervlakkige; ...almal kan oor 'n tafeldoek praat... maar as dit 'n kleed word... verander dinge...
Hy geniet die verwysing van Hennie Aucamp na die nuwe litere^re genre; "Dokumente^re lirisme"...
Sy stories in die Immergroen-boek... word beskryf as 'n 'stil mymering met 'n besing van die kultuur om die plant/blom'...
Hy vertel ook van tantes in sy ouma se tyd... wat as die ke^rels kom kuier... dan gaan le^ hul 'n rukkie - so lank hul kan uithou - in vuurwarm water ... en dan as die ke^rels in aantog is... hardloop hul en gaan le^ kaal tussen die viooltjies.... hy verbeel hom dat dit die mees fantastiese parfuum moes gewees het!
Hy vertel ook van sy nuutste obsessie met geur... en die moontlike werk wat hy saammet Etienne de Swart - 'n alternatiewe parfumeteur in Parys - wil doen...

Daniel Hugo gesels met Hennie Aucamp in die Protea Boekehuis in Stellenbosch oor sy nuutste boek, "In die huis van die digter"...
...'If poetry do not arrive as leaves on a tree it should not arrive at all' ... Yeats

Woordfees en Dylan Lewis

2010-03-09T19:44:00.000+02:00

Tydens die week van die Woordfees open Dylan Lewis se uitstalruimte in die middel van Stellenbosch... net in grootte beindruk sy werke onmiddelik... daarna hou hul jou aandag vir lank nadat jy reeds weg is...
Daar is 'n vloei in sy werk van die dier na die mensfiguur...

"Outcroppings of rock appear to me as the works of a mad, passionate sculptor-God"
Dylan Lewis

"There are unknown forces in nature, when we give ourselves wholly to her, without reserve, she lends them to us; she shows us these forms, which our watching eyes do not see, which our intelligence does not understand or suspect"
Auguste Rodin

Woordfees: Kuns

2010-03-09T19:30:00.000+02:00

... die kuns die jaar op die Woordfees was baie indrukwekkend...

Heel bo 'n gesig deur Cobus van Bosch... deel van 'n reeks gesigte verweef met 'n klomp landskappe...

Tweede van bo... wys Ingrid Winterbach ook haar diversiteit... ook as visuele kunstenaar...

Die stoel is deel van 'n uitstalling wat 'n gesprek tussen 2 kunstenaars voorstel...

Paul Emsley betower ook met ongelooflike houtskool werke!!

Woordfees: Apostroof van Fanie Olivier

2010-03-09T19:08:00.000+02:00

Woensdagaand laasweek gesels Joan Hambidge met Fanie Olivier in die Erfurthuis in Stellenbosch...

Fanie Olivier se 1ste digbundel, na 'n stilte van 21jr, het pas verskyn. Getiteld; "Apostroof. Hy het jare gelede gedebutteer met 'n bundel verse, "Gom uit die sipres" ... wat Joan Hambidge grootliks aanskryf...

Fanie was in 2006 verbonde aan 'n Poolse universiteit ... doseer oa Afrika-kunde... toe sy geliefde vrou, Rike, siek raak en hul terugkom SA toe.
In 2007 sterf sy.

Van die verse in "Apostroof" is geskryf voor Rike se dood en heelwat daarvan daarna... as 'n soort verwering teen die emosionele... Die idee was net om van hierdie verse vir haar geliefdes aan te stuur... maar eindelik vind die verse wel hul pad na publikasie...
Hy probeer om met die skryf van hierdie verse nie die sentimentele en emosionele voorop te stel nie... maar eerder op 'n slingse manier hiermee om te gaan...

Die agterblad van die bundel is verrassend... glad nie tipies nie... Fanie (wat 'n regsgraad voltooi het) dien 'n aansoek in om tersydestelling van Rike se dood. Fanie en God is die partye... Hierdie geding neem totaal, volgens Fanie, sy eie loop...

"...ek en jy is met mekaar verwoord vertroud."

Woordfees: Lina Spies

2010-03-07T12:24:00.000+02:00

Lina Spies se "Die skyn van tuiskoms"... 'n keur uit haar gedigte word bekendgestel afgelope Dinsdag middag...

Agter ons sit 2 ouer mense ewe ernsig aan die vertel vir 'n vriendin hoe lekker hulle bly in die Paradys ... eindelik maak ek die afleiding dat hul in Paradyskloof bly in Stellenbosch...

...soos die lyne in 'n blaar ...so is Lina se gedigte sensitief vir ons blootgele^.... dit hoor ek, terwyl my man die volgende afleiding gemaak het... die nerwe gee die struktuur en sodoende word die blaar vir ons voorgehou...

Johann de Lange vertel dat in die samestel van hierdie bundel herontdek hy die 'soundtrack' van die gedigte van sy skooljare...

Die bundel word beskryf as 'n distilaat van al die elemente van Lina se onderwerpe van gedigte deur al die jare...

Oor die titel van die bundel, vertel sy; .... as 1 van die min ongetroude vroue wat sy ken wat vir haarself kook... tref 'n bliksemstraal haar net daar in die kombuis met die titel se woorde...

'n Gesprek volg oor die sogenaamde tuiskoms... sy vertel dat sy hipersensitief is vir haar omgewing... vreeslik omgewingsbewus... dat Stellenbosch en Amsterdam van haar geliefde plekke is en dat sy nooit 'n heimwee ervaar het na haar geboorteplek nie... maar het wel goeie herinneringe...
Sy ervaar tydens die aardse bestaan slegs af en toe 'n 'tuis-gevoel'...

In 1971 as 32-jarige debuteer sy... en pas voor haar in 1970 debuteer Sheila Cussons, Antjie Krog, asook 'n her-debuut van Ina Roussouw...

Sy vertel hoe sy haar moes losmaak van haar moeder digter, Elizabeth Eybers...

Agter op die 'Skyn van tuiskoms' skryf Johann de Lange oa die volgende ... "Benewens die verse oor die liefde, reis, godsdiens en 'n verknogtheid aan die aarde en aardse, skryf sy ook oor kuns en gestaltes (dikwels kunstenaars) met wie sy 'n sterk verwantskap voel en in wie se nood sy haar eie kan verreken" ...
Lina is baie gelukkig ook hierdie beskrywing en noem dit " 'n genademoment"...

In die gedig "Tafelgebed" ... verwys sy... "dat ek op sy weergalose aarde, van die lewe onversadig bly" ... sy se^ dat sy soveel aan die lewe het... dat dit die bitter en die pyn is wat die vreugde en die lekker uitbring...

"...ek het gekom dat julle die lewe kan he^ ... en dit in oorvloed..."

Woordfees: Marie Stander en Carina Stander

2010-03-03T09:39:00.000+02:00

uitnooikaartjie van die internet

By 'n uitstalling van Marie Stander se houtskool tekeninge van die mense wat om haar bly in Jamestown... vang hierdie ene van die dogtertjie met die protea my aandag (agv my onlangse sensitiwiteit vir proteas nadat ek self een geverf het..) ...

Elkeen van die mens-tekeninge het 'n ander digter wat daarlangs 'n vers maak ...

Langs hierdie meisie met die protea is een van my gunsteling digters, Carina Stander se woorde:

Seenwens vir Sherryne Willemse

Vir jou met die fynbosvingers

wat woon aan die dorp se voetenent

sesjaarkind met die oe wat skrefiefrons

teen die branding van die son

Vir jou van die opslaanhuis

teken ek vandag 'n blou tuinhek met krulle

wat oop maak op 'n plek wat ruik na pannekoek,

speelmaats, fluite, vetkryt en 'n eie prenteboek.

Steur jou nie aan die ou ghwar wat naweek dikstem maak

of die pesterige seuns wat tog so rou kan raak

Vergeet die vinnige vuiste en die briekaandraai,

die stoepstories oor mense wat mekaar befoenkfaai.

Want somskere, soms kom 'n seen

half uit die bloute nes die reen.

Dan word die aarde oornag sag,

die berge bont, die stingels sterk,

die rankers 'n groen hekelwerk.

Op sulke dae: droom flink, droom heel,

bind verse aan jou polse vas.

Oes solank proteasaad

in die strale waar jy speel.

Woordfees: Evita se "Kossie Sikelela"

2010-03-03T09:13:00.000+02:00

my foto bo en boekfoto van die internet

In die voorportaal van die HB Thom teater stel Evita Bezuidenhout gistermiddag haar kookboek bekend... baie funky met 'n voorwoord deur Sophia Loren!

Op die verhoog tower 2 chefs van 'Smoke cuisine' resepte op uit die boek... malvapoeding in 'n espresso koppie en 'n lieflike Peking-eend...

Evita vertel dat daar 'n bobotie resep in haar boek is waarmee jy vyande kan opsluit mee... wanneer jy terugkom sal hul vriende wees!

Evita glo absoluut aan rekonsiliasie deur kos...

Die boek is 'n 'moet-he^' ... met klompe lieflike fotos... natuurlik ook van die tannie... en die buiteblad lewer 'n verrassing op ... deurdat jy hom heeltemal kan afhaal en oop vou in 'n groot poster!

Woordfees: Stef Bos

2010-03-02T23:37:00.000+02:00

foto van die internet verkry

Gisteraand beleef ons weer 'n Stef Bos vertoning... op 'n pragtige wynlandgoed, Stellenrust...

Hy betower die gehoor met sy woorde en die passievolle oordra van sy liefde vir veral die Afrikaanse woord en ook vir die land...

'n Nuwe CD, "Kloofstraat" word bekendgestel...

"Ek het die deur geopen

ek het jou binne gelaat

en ek het met my verbeelding

die we^reld mooier gemaak"

Woordfees: Karin Brynard

2010-03-02T23:23:00.000+02:00

fotos van die internet verkry

Gaan luister gister die praatjie van Deon Meyer met die skrywer van "Plaasmoord", Karin Brynard... Dit is haar debut roman en na net 'n paar maande alreeds in sy 3de druk!... die boek het reeds meer as 6x soveel verkoop as 'n gewone 1ste roman!

Ons hoor van Koffiefontein waar Karin gebore is en dat sy later in Postmansburg geland het... Dat sy eindelik aktrise wou word... maar dat 'n BA tale haar pad was... hoe sy die enigste vrou tussen 'n klomp tokkelokke Grieks geneem het... en dan eindelik beland het as joernalis by 'n koerant uit eie keuse tussen die ware goeters... die politiek en die moord en doodslag... die "mannegoed".

7 jaar verloop van die idee aan die boek... tot vandag... die boek al 'n paar maande op die rakke...

Sy is versot op raaisels en volgens haar kan sy net 'n storie vertel as daar 'n lyk in is...

Botany for the artist

2010-02-28T20:26:00.000+02:00

Loop hierdie stunning boek raak in Cavendish se Exclusive's se altyd verrassende kuns-afdeling...

"The greatest thing a human soul ever does in this world is to see something, and tell what it saw in a plain way. Hundreds of people can talk for one who can think, but thousands think for one who can see. To see clearly is poetry, prophecy and religion, all in one" ...John Ruskin

"If you spend just one hour drawing a plant, you will understand it far better than if you spent the same hour only looking at it. There is something in the physical act of drawing, the coordination of the hand and eye, and the translation of sensory experience into marks and lines that reveals an entirely new way of seeing." ...Susan Simblet

Woordfees: Uys Krige

2010-02-26T21:27:00.000+02:00

Vanmiddag vier die Woordfees 100jr met Uys Krige... Amanda Botha gesels met Greta Fox (sy susterskind) en met Eulalia (sy dogter)...

'n Hele ry word gevul met al die familie wat die geleentheid bywoon...

Soveel staaltjies word vertel... van die dae toe Uys Abisinia toe is as oorlogskorrespondent... nadat hy siek geword het daar (na 7md'e) kom hy terug met die hospitaal skip... net om na sy herstel weer oppad te wees ...hierdie keer na die Libiese woestyn ... waar hy gevang en in 'n tipe konstrasiekamp aangehou word... hier begin hy oa 'n koerantjie... na die Italianers onttrek vlug hulle...

Sy pa is Japie Krige die rugbyspeler... en vandaar Uys se liefde vir rugby... alhoewel hy "'n bietjie stadig was vir die rugby in SA" speel hy wel semi-profesioneel in Frankryk...

Baie van die familie onthou die dae toe Uys en Jack Cope 'n huis gedeel het in Clifton... die "salon" op die strand elke middag/aand... met oa Ingrid Jonker wat deel is van die vriendekring...

Later jare gaan woon Uys in "Swart dakkies" sy huis in Onrus... Jan Rabie vertel van "die stryd van die tong" tussen Marjorie en Uys... albei het baie gepraat... wanneer hulle saamgekuier het... het beide hul eie storie gepraat... maar wel mekaar se stories gevolg!...

'n Oorsese joernalis word aangehaal nadat hy Uys ontmoet het; " Uys is completely uninhibited and has his own code of living..."

Vanilla Concrete..

2010-02-06T20:27:00.000+02:00

beelde van die keramiekware van Vanilla Concrete se webtuiste

Vanoggend vat ons die pad SomersetWes toe... die keramiek werk van Vanilla Concrete trek al 'n geruime tyd my aandag... en vanoggend het ons hul fabriekswinkeltjie gaan besoek... dis 'n entjie uit Somerset Wes in die Sir Lowry's pas dorp gebied...

Die fabriekswinkeltjie het nie so 'n groot verskeidenheid nie... maar oorgenoeg om die kreatiewe te betower...

Marieke Prinsloo...

2010-02-05T10:31:00.000+02:00

Na 'n gesprek in my kunsklas oor Marieke se uitstalling die 14de in Franschoek.... dwaal ek vanoggend bietjie op haar half klaar webtuiste rond en vind baie vreugde in die vorme en lyne van haar beelde... Die beeld hierbo is een van my gunstelinge... die woorde het my verlei...

Kreatiewe fun...

2010-02-01T21:30:00.000+02:00

Sien onlangs kussings met die mooiste designs op... heel hewig geprys.... en net daar ontstaan 'n idee om meer eenvoudige designs te maak (net silhoeette) ... doenbaar met vilt, lint en 'n eenvoudige stippel-steek...

Die roos kussing word 'n verjaardag geskenk vir 'n vriendin met eklektiese smaak.... en die ander 'n visuele boodskap oor Afrika-wortels aan iemand wat na 'n kuier in SA terug vertrek na Engeland...

Laureline...

2010-01-31T21:58:00.000+02:00

...hierdie dame se sketslyne en kleur kom skuif my dadelik tot in my 'happy place'...

Sutherlandia Frutescens

2010-01-24T20:32:00.000+02:00

Die kankerbossie met sy sensitief gekleurde saadhuisies het my oe net nie laat genoeg kry nie...

...het my laat dink aan die subtiele kleure in 'n Johann Slee protea kunswerk... asook die amperste kleur in Esra se pot van dieselfde kunstenaar...

Detail in Kirstenbosch...

2010-01-23T18:10:00.000+02:00

Nou die dag beleef ek die wonder van 'n bewolkte dag in Kirstenbosch... die kleure lewe in volle sterkte... geen skerp sonlig wat die detail in die witte steel of die helder kleure oorbeklemtoon nie...
Die sagte lig laat meer detail sigbaar word... uit die ongelooflike ontwerpe verskuil in blomme!

'n Nuwe Jaar...

2010-01-03T21:18:00.000+02:00

"No one's ever seen or heard anything like this,
Never so much as imagined anything quite like it -
What God has arranged for those who love him."

1Cor2

Antjie Krog se ontnugtering

2009-12-29T13:25:00.000+02:00

Antjie Krog (foto van Versindaba webtuiste)

Kom gisteraand, tot my groot vreugde, af op die volledige teks van die toespraak wat ons Antjie Krog hoor gee het by die onlangse Versindaba in Stellenbosch...

Die opskrif van haar pleidooi: "My ontnugtering tot die poesie"...

...sy begin met die volgende:

"Ek neem die volle wapenrusting van die gedig op, sodat ek staande kan bly teen die liste van vervlakking en dwaasheid in hierdie dae van weeklagery en onheil.

Ek staan dan vas, my lendene met metrum omgord, met die borswapen van beeldspraak. En as skoene aan my voete die bereidheid van die versreel met sy grensskuiwende enjambement. Behalwe dit alles neem ek die skild van gefokuswees op waarmee ek al die vurige pyle van die te-lui-om-te-dinkers sal kan blus. Ek laat sak die helm van klank oor my kop en neem in my regterhand die swaard van die metafoor..."

Immergroen

2009-12-16T22:20:00.000+02:00

Kry onlangs die boek, "Immergroen, Stories oor plante" as 'n geskenk... en wat 'n boek vol woorde van Dave Pepler en beelde van Lien Botha wat betower!...

Een van die hoofstukke oor erikas se opskrif lei: "Voorste verleidsters" en begin met die volgende;

"Daar is 'n kliphuis op Suurvlakte. Om daar te kom, moet jy oor die Dom-en-Long pas ry na die verskuilde vallei bo Wolseley. En hier onder 'n been-oue kliphout, het ek altyd oor die middaguur kom rus.
Een helswarm Februarie-middag raak ek aan die slaap onder my boom en ek droom dat ek soos 'n insek in 'n plas heuning vassit en wriemel. Ek het wakkergeruk en mettertyd agtergekom die plaat pienk erikas om my het hul heuninggeur oor die biesieveld losgelaat."

Om 40 te word...

2009-12-13T22:04:00.000+02:00

die uitnodiging... die ring... die v'jaardag koek

'n week en 'n bietjie terug word ek veertig.... voorafbepaal deur my geboortedag... die woorde in my hart:

laat gaan..

surrender..

stilte..

omgee..

eenvoud..

waarheid..

uniekheid..

leef..

vrede..

geloof..

..oorvloed

Leonie E Brown

2009-11-29T23:06:00.000+02:00

Saterdagoggend vat ons die pad Philadelphia toe... 'n kunsuitstalling van verskillende kunstenaars wink al deur die week vir ons...

Dis ons 1ste kennismaking met Leonie E Brown se kuns en dis liefde met die eerste opslag... die painting "The skies will open", hierbo spring in ons hande en die geld vlieg uit ons beursie... voor ons weet wat gebeur het :)

die kuns van die waarheid

2009-11-26T23:47:00.000+02:00

French Toast Girl art

Hou aan... deur die moedeloos ... deur die frustrasie... gaan net aan... beweeg saammet die vloei... en met tydsverloop.. met die terugkyk herken jy die vrees... maar ook die glimse van sien... dit wat net jy sien... en hoe meer jy kyk hoe minder sien jy die vrees ... en hoe meer raak die verwondering oor die "ander kant" ... dit wat net jy sien... dit wat waar is...
Getrou wees aan jouself bring wondere mee... dit bring die waarheid...

Wor(l)ds..

2009-11-09T21:36:00.000+02:00

'n Naweek of 2 terug het ons die voorreg om die 1ste gekwalifiseerde letterkappers in SA in aksie te sien by hul werkswinkel in die Kasteel... waarna ons die boek 'Wor(l)ds' se bekendstelling bywoon by The BookLounge in Roelandstraat, asook die amptelike oorhandiging van die kwalifikasies(na 2jr opleiding) vir die 1ste 6 gekwalifiseerde letterkappers in SA!

Die groot inspirasie agter hierdie letterkappers se kwalifikasie... is die Belgiese letterkapper, Maud Bekaert (sien foto saammet my man wat vir haar 'n 'woord-spriet' met van haar eie woorde daarop gemaak het as 'n 'enkosi' geskenk) se passie en energie!

Na 'n reis deur SA... vang die anderse manier van skrif hier in Afrika Maud op, asook die ongelooflike groot probleem van vigs-wesies... en uiteindelik word 'n droom gebore.... Digters, letterkunstenaars en letterkappers van SA en Belgie span saam en uiteindelik word 41 se^goed in spesiaal ontwerpte skrifte uitgekap op groot(!) stene... wat in Belgie uitgestal word en uiteindelik net onder 'n miljoen rand op 'n veiling oplewer - wat uitsluitlik gaan aan ondersteuning van vigswesies in SA.

Van die woorde wat op die stene gekap is:

"Ik pas in elkaar" ... Frank Pollet

"De gewoonte ziet zichzelf en denkt dat ben ik niet" ... Stef Bos

"Die wind is die hemel vol met my stem op pad na jou toe" ... Antjie Krog

"Verlange onbegrens, so is liefde sinvol, nie ingekort tot mens" ... Hennie Aucamp

"Die vuur moet van binnen kom" ... Anoniem

"Kom ons pluk die lug en melk die son" ...Ronel Nel

"Die wind is 'n droe lied sonder die see" ...Toast Coetzer

'n Oomblik

2009-11-06T22:35:00.000+02:00

Blom beeld van die internet

"We speed through life, wanting to get on to the next thing, unable to take pleasure in the moment" Danny Gregory

Kamersvol lekkerte...

2009-10-31T19:37:00.000+02:00

fotos in ondergenoemde website gevind

Gaan stap vanmiddag op de Morgenzon wynplaas... in pragtige natuurskoon gelee... se 'Kamersvol geskenke' gebeurtenis..

Van die parkeer area stap jy al met 'n damwal tot by 'n oase van hoe bome en grasperke...

lang tafels met hope mense wat kuier... en met verloop van tyd string jy ook deur al die kamers vol geskenke...

Van my gunsteling ontwerpe maak my lekkerkry... en weer kyk...

Flowermill se grafies pragtige kaartjies...

Ladypeculiar se juwele...
Ceramics van vanilla concrete... met verrassende ontwerp en woorde...

Karen Kotze se delikaat ontwerpte ceramics...

This is you!

2009-10-25T22:30:00.000+02:00

Pic van Jen Gray website

Stef Bos se nuwe CD

2009-10-23T21:15:00.000+02:00

"De liefde is ongeveinsd. Weest afkerig van het kwade en gehecht aan het goede. Weest elkander in broederliefde genegen."

Dat was de tekst die handgeschreven op de eerste bladzijde van mijn eerste Bijbel stond. Een opdracht van mijn vader.
Dit boek was een onderdeel van mijn vorming.
Dit boek is een onderdeel van onze cultuur.
Dit boek is niet het bezit van welke denkrichting dan ook.
Dit boek kan onze wereld beklemmen en onze verbeelding vrijmaken.
Het kan een dogma zijn, of een inspiratie.
Dit boek heb ik herlezen en de twaalf liederen die volgen, zijn er uit voortgekomen.

Stef Bos, 2009

storm en stilte...

2009-10-18T21:27:00.000+02:00

'n Na-skildering wat ek onlangs gedoen het van 'n skildery van Jean Welz... oomblikke stilte in hierdie 'stil-lewe' ...
... ek wonder deesdae... waar vind mens die balans tussen stilte en die besige gejaagdheid van die lewe en dan nog die passies (jou hartsbegeertes) wat jou ook so jag vir aandag...

"Die storm en die stilte
Die son en die maan
Daar's altyd twee kante
Wat in ons bestaan"
...Stef Bos

botanies van 'art'

2009-10-10T22:01:00.000+02:00

Random botaniese tekeninge van die internet..

Gerhard Marx, 'n kunstenaar van Oudtshoorn praat in 'n onlangse tydskrif artikel daaroor dat kuns vir hom 'n manier is om sy geesdrif uit te leef...

Sjoe.. en het my geesdrif nie uitgespring en om my kom dans met vanoggend se 1ste botaniese tekenklas nie!..

Onder leiding van Marieke Kruger sit 12 van ons met ritse lang papiere en 'n hibiskus blom aan 'n tak voor ons... 2ure van fokus op detail... en regtig kyk... van naderby... vir my (sonder teken agtergrond) 'n geweldige uitdaging... maar met baba-treetjies verbaas ek myself en ek kyk met 'n glimlag hoe geesdrif sy dansies maak...

"People say talent is the thing. I don't believe so, I think longing is" Judith Mason

bederf... stilte... Adriaan Boshoff

2009-10-06T14:16:00.000+02:00

‘n Onverwagse aftydjie van die werk en als wat moet gedoen word.. oomblikke stilte bederf my.. ek kry kans om sonder opvlieg en jaag uit die bed te klim.. om koffie te drink en ‘n paar bladsye uit my nuwe boek, Girl who kicked the Hornets’ nest, te lees.. ek word meegesleur in die verhaal van Stieg Larrson.. en vir ‘n oomblik kan ek laat gaan en meegevoer raak in hierdie verhaal..

Na nog ‘n beker koffie ry ek sonder haas na my gunsteling kunswinkel… gaan soek potlode… ‘n sketsboek… vir ‘n tekenklas wat die naweek begin… die klas het ‘n botaniese tema … en ek verloor my vir ‘n rukkie in die boekwinkel langsaan... 'n blomme boek… geillustreer met botaniese korrektheid…

My parkeerkaartjie wys dat die halfuur gratis parkering reeds verstryk het… dus loop ek nuuskierig nog ‘n draai deur die gallery daar naby… my verbeelding word aangegryp deur die impressionisme van Adriaan Boshoff… die vryheid van sy kwashale en die rykheid van kleur… inspireer my… voed my siel…

Die grootste bederf is om nou hier te kan sit en weer oor my ervaring te kan dink… en ‘n tydjie te he^ om dit wat in my gebeur het tot woorde te bring…

Lien Botha, die stilte en vygies...

2009-10-05T21:22:00.000+02:00

Lien Botha… die vrou wat stilte afneem…(volgens ‘n onlangse artikel in Die Burger) word op ‘n besondere wyse verbeeld deur Hanneke Benade..

… “the knowledge that the visible world harbours a ghost; that that which is seen conceals as much as, if not more than, it reveals”… Ashraf Jamal oor Lien se werk

Op my soektog na inspirerende beelde vind ek in ‘n VISI tydskrif van verlede jaar ‘n vygie… soos afgeneem deur Lien Botha…

“Geduldig wag hul op reen, soms jare lank. Dan, as dit reen oor die ooptes, het jy ‘n vygiejaar. ‘n Week of wat na die reen kom die toegif. Wag vir ‘n windlose dag sonder wolke en gaan sit teen ‘n klip met ‘n uitsig oor die vlak. Vaal, vaal, vaal tot die middaguur en dan, plotseling, gebeur die mirakel. Tesame maak die blommetjies oop. Voor jou oe sien jy hoe kleur vloei van satyn na die flikkerglans van suiwer tinte”

”My voorstoep kry die son uit die weste en dit bak soos ‘n hoogoond. Op elke trappie het ek ‘n erdepotjie met ‘n vygie daarin, die bogrond toegepak met koffiekleurige spoelklippies. Soggens, as ek koffie drink op die boonste trap, bekyk ek hulle. Byna so immobiel soos fossiele staan hulle jaarlank tot daar skielik, oornag, ‘n blomknoppie verskyn. Daardie dag probeer ek tuisbly en wag tot die son tref, want ek weet dat die blom net vir my gaan bloei.”

“Uit dorheid en grint, teen middag, breek hul die lig.” Dave Pepler

Later in die artikel se^ Allan Davies; “Hoe gelukkig is ons nie in Afrikaans om ‘n woord soos ‘vygie’ te he^ nie. Teen die Engelse mond vol – die Latynse Mesembryanthermum – is dit mos nou soos ‘n druppel heuning op die tong: soet en vlugtig.”

vrede.. al dan nie..

2009-09-30T20:57:00.000+02:00

'n Vredevolle skildery deur Hanneke Benade

"Om aan die einde te kan se^.. ek weet dit nie.. met die vrede.. om dit te weet"
-Stef Bos

2 jaar gelede was daar 'n troue..

2009-09-22T21:55:00.000+02:00

'in stede van verbeelding het ek jou gekry'

..dankie my geliefde vir 'n fees die afgelope 2 jaar!!

Om te reis..

2009-09-18T11:38:00.000+02:00

Kry hierdie as 'n epos ... en geniet die insig baie..

"I've never gotten around to reading Alain de Botton's philosophical 'Art of Travel', but it's a question I've been bouncing back and forth in my head. For some people it's simply a holiday; a chance to forget about bills and bosses. For others, perhaps it's an opportunity to tick off those "bucket-list" sights, or to collect holiday snaps to impress the folks back home.
For me it's a chance to leave part of yourself behind. When you're chilling on some tropical beach, waiting in a far-flung airport or rattling along on a country train through Asian rice paddies you get to shuffle off some of the labels and roles you fit into at home. You don't have to be the responsible manager/home-owner/brother/community member any longer........ you can simply be whoever you want to be.
Wear that silly Panama hat that doesn't quite suit, paddle your feet in the village fountain, drink beer for breakfast... nobody knows who you are, you'll probably never see them again and, for a change, you don't have to care who's watching. It's a rare opportunity to reinvent yourself for a time. And, who knows, perhaps you'll discover a few sides to yourself that get packed in the suitcase to take home with you.
Apart from all the lovely sights, amazing food, smiling (well, hopefully) locals and incredible landscapes… I think that's one of the things that keeps me addicted to hitting the road."
Richard Holmes, Travel Editor

'Onse' Breyten amper 70

2009-09-12T19:31:00.000+02:00

Vanoggend met die sonnetjie wat hitte deur my skouerblaaie en rug laat sprei.. op 'n stoep van 'n restaurantjie in Stellenbosch.. betower groot gedeeltes van 'n artikel deur Willemien Brummer oor Breyten.. in die BY van vandag se 'Burger'.. my so dat daar ook 'n hitte opslaan wat sprei deur die hart..

Breyten skryf spesiaal vir die BY 'n gedig en ek haal 'n gedeelte daarvan aan;

Die najaarsdag

.. 'n lid het oor die maan se beenoog geskuif
soos 'n klou
in die najaar is voels stom en swaar
noord (weet hy) kam 'n bergreeks die luglyn
na die laaste hoogte voor 'n ander land
die huis is 'n kruik vol soet asem
van kamferfoelie en jasmyn
asof die melodie van geheuemusiek
en oor die werf sal vroee hitte
die warm reuk van die vyeboom sprei
sodat daardie mantel versier met rose
wat die vrou geplant het
die dou se klammigheid mag droog
wanneer son aanstons die mis verdamp..

Onder die invloed van woorde

2009-09-09T09:54:00.000+02:00

..nog sterk onder die invloed van Carina Stander se woorde.. gisteraand tydens haar 2de digbundel bekendstelling in Cape to Cuba in Langstraat in die Kaap... deel ek die 1ste gedig in haar bundel, "Woud van nege en negentig vlerke":

Om op die rug van 'n donkie in die see te swem

om op die rug van 'n donkie in die see te swem
deur 'n land bo die wolke
oor landskappe van droom
'n pen soos 'n staf in die hand

om bloots op 'n esel oor 'n golf te galop
warrel in die hare
Stormmeeu op die skouer
se vlerk gesprei teen die strale

om saam met 'n hings deur see te ry
voorkop rug voetbrug gesout
teen die brand van blindwit branders

om borsdiep in 'n woord te toer
die walvis 'n inkvlek op blou papier
wanneer die Windmaker se asem
die water stadig roer

om veerlig te dryf
verse te skryf
die son 'n engelkop
vanaf 'n eselrug aanskou

om die heelal en hemel so dop te hou:
laat my reise voortaan eenvoudig wees

My passie en ek..

2009-08-31T19:19:00.000+02:00

Saterdagoggend... my kop is vol woorde... ek dwaal op 'ingewing se pas' deur Stellenbosch... sommer so soos die gevoelente my lei ..

..by DorpStraatGallery plesierig geglimlag met die sien van Marike Prinsloo se kleiner werkies... Clare Menck se 'ou foto' gevoel paintings... Henk Serfontein se donker aand vulstasie paintings met lig wat uit die skilderye gloei na buite.. wat jou jou oe laat knip teen die gloed en weer .. en weer .. laat kyk...

My oe lag na binne toe.. met die raaksien van 'n paar Niel Jonker werke.. net vanoggend met die ry na S'bos herinner die berge.. wat nog slaap uit die oe vee in die betrokke weer my aan Niel se werk..

Langs La'fayette ontdek ek 'n ruimte gedeel deur 5 kunstenaars, "Art on 5".. daar makeer Karen Kieviet my pas vir oomblikke op 'n slag.. haar paletmes tegniek betree my gedagtegang tot daar by Donderdagaand se kunsklas waar ek my hand die 1ste keer aan 'n paletmes waag..

My hart klop vinniger...

In Era se winkelvenster bewonder ek veelkleurige reenstewels.. langsaan lok Milieu my binne met die onthou van vorige goeie ervarings..

Die bekende pannekoek plekkie laer af in die straat het plek gemaak vir "5 on Ryneveld".. binne vind ek 'n amperse Henk Serfontein ligkol met 'n sitbank.. 'n outydse vorm tafeltjie en ver'blou geraamde vrou teen die muur.. dis net ek hier binne.. meeste mense geniet die winterson-hitte buite.. die eet area oorkant het gesegdes teen die een muur en boeke teen die ander so random vasgeplak.. op die plafon is verskillende groottes letters gescatter..

Hier rus my hart 'n oomblik.. luuks .. het ek tyd om aan my ervarings van die oggend woorde te gee..

My geliefde laat weet dat sy kunsklas effe langer neem en ek 'muse' rigting Moederkerk.. ek maak fotos van die Dylan Lewis buffels voor 'n blou kerkvenster..

Onder in die pad wink 'Nest' se afgewitte geboutjie met helderkleurige snuisterye buite my nader.. 'n opgestopte hart kussing en draad voeltjies inspireer my vir huis toe gaan en self maak..

Oppad uit hul Deli loop ek Marlene van Niekerk raak.. ek giggel binne myself.. altyd vir my interesant hoe ons 'popster' Afrikaanse skrywers so ongemerk en doodgewoon hul lewe kan leef..

Later dwaal ek en my geliefde by die Slow food market rond en dis liefde met eerste opslag toe ek by 'Red Black and White' gallery daardie proteas van Johann Slee sien.. sy werke se eenvoud.. onderbeklemtoning van kleur.. en die grootte (1,3x1,2m) .. bring 'n kolk blydskap in my mee.. wat eers veel later die aand effe tot bedaring kom..

My passie het my aan die hand geneem en aan my plesier verskaf op 'n lente oggend laat in Augustus.

'n harts-tog

2009-08-27T22:12:00.000+02:00

my 3de painting..

Om iets waaroor jy al jare nuuskierig voel uiteindelik te ondersoek ..
te verken..
om langsamerhand..
verras te word met die 'nog meer' as wat jou kop gedink het..
die ontdek van al die inwikkelinge..
al die subtiliteite wat die totaal daarstel..
toe het jy net die geheel gesien met jou kop...
maar nou het jy van die fyner nuanses wat die geheel vorm met die hart beleef ...
daai 'met hart leef' ... dit voeg ongelooflike sielswaarde toe..

Hierdie prikkels van die siel..
dit wat hom so amper-amper ...
so net-net...
so soms vlugtig ...
visies gee sonder die beperkings van 'n liggaam...
sonder die beperkings van 'realiteit'..

vlug

2009-08-22T17:35:00.000+02:00

..ek wil gaan skuil in die gedempte kleure van 'n Andries Gouws skildery.. of halfpad ongeskilder wees soos in die painting van Karin Jurick... die suggestie van 'n vrou met 'n boek... iemand wat na 'n ander we^reld ontsnap... agter woorde soos "ek voel soos 'n skip/ wat le^ langs die kus/my toekoms wil reis/ my verlede wil rus" .... agter die woorde van Stef Bos wil ek gaan le^ en wegkruip van hierdie w^ereld... waar als so werklik en in jou gesig is... waar tyd ewig bly tik... waar droom en net-net wees... baie min plek het...

Viva Irma Stern!

2009-08-18T09:32:00.000+02:00

Het die naweek diep onder die indruk van Irma se kuns,uit haar huis-museum in Rosebank gestap... Haar boldness vir kleur... en die neersit van die verf (en die los van elke kwashaar daar waar hy neergesit is!) ... inspireer my.

As jy iemand is met 'n oordrewe(baie sensitiewe) gevoel vir gevoelentes... dan kan jy haar net net ligvoets voor jou uit ervaar in haar woning... en ook in die weligheid van haar tuin...

Hierdie is iets wat jy vir jouself moet gaan kyk en beleef!

"The artist creates in order to free himself, only to find himself again in the end"
-Irma Stern, 3Sept1922

Afri-Frans

2009-08-17T13:42:00.000+02:00

Hierdie skildery deur Stella Olivier is as die omslag ontwerp gebruik vir die CD 'Afri-Frans'.. 'n CD saamgestel deur Matthys Maree... woorde van bekende SA liedjies soos 'Al le^ die berge nog so blou', 'Huisie by die see', 'Liza se klavier' 'Wie weet?' (van Koos Dup) en nog meer... altesaam 13 is vertaal deur 'n Bloemfonteinse professor, Naomi Morgan en word gesing op eg Franse manier deur 'n Franse sangeres, Maud Myra.
Die Franse woorde is in die omslag boekie en dan weer die Afrikaanse vertalings hiervan... so pragtig!!
Op hierdie wonderlike manier steek Afrikaans we^reldgrense oor...

party dae...

2009-08-01T20:44:00.000+02:00

...deur Keri Smith

Man on Wire

2009-07-29T21:37:00.000+02:00

Pas "Man on Wire" gesien... sjoe... 'n amazing dokumenter oor 'n man met 'n passie vir 'n vreemde ding... om op 'n koord te loop... of soos die een polisieman wat hom ingewag het na sy 'vertoning' tussen die Twin Towers gese^ het... hy het nie op die koord geloop nie... hy het gedans!

"I observed the tightrope 'dancer'—because you couldn't call him a 'walker'—approximately halfway between the two towers. And upon seeing us he started to smile and laugh and he started going into a dancing routine on the high wire....And when he got to the building we asked him to get off the high wire but instead he turned around and ran back out into the middle....He was bouncing up and down. His feet were actually leaving the wire and then he would resettle back on the wire again....Unbelievable really....[E]verybody was spellbound in the watching of it."

Die RhubarbRoom... 'n kuier werd!

2009-07-17T10:23:00.000+02:00

Het afgelope Maandag oggend in die 'rhubarb room' in Buitengracht straat 'n tydjie verwyl... ons verkyk aan al die interesante local stuff... karamel kaaskoek en groente quiche geeet... en 'n oomblik of twee ons oorgegee aan die melankolie van die agtergrond musiek... ons is met 'n glimlag op die gesig en 'n oorvertel in die hart daaruit...

glimlag gedigte

2009-07-10T10:38:00.000+02:00

Penelope 'looking out for miracles'

Vind hierdie volgende 2 gedigte op Versindaba.co.za vanoggend... ek kon nie help om te glimlag na die lees van hulle nie!... beide is deur Hennie Aucamp:

Die eensame wasgoedpennetjie

Dertien wasgoedpennetjies
sit op ‘n wasgoeddraad,
een van die wasgoedpennetjies
is sonder lewensmaat.

Hy treur en sug maar skielik
wip ‘n sprinkaan op die draad.
“Ook ek,” sê juffrou Sprinkaan,
“is sonder lewensmaat.

“Ek kan nie altyd by jou sit nie,
ek moet tog vlieg en eet,
maar as ek op ‘n toer is,
mag jy my nooit vergeet.”

Nou sit die eenkant pennetjie
gelukkig en verloof,
en raai, sy sprinkaan-nooientjie
het hom ‘n blaar beloof.

Sonnet vir Topsi Venter

Die kleureoordaad van ‘n najaar
vind sy weg na haar altaar,
‘n skoon geskropte tafel waarop geel
en knaloranje smeul:

‘n mandjie kwepers, ‘n boerpampoen,
en as ‘n skerp aksent, die vermiljoen
van bessies, en bruin, vol klossies aarde,
bospaddastoele, en prei met bleekwit baarde.

Uit elke kleur damp reeds ‘n geur,
maar alchemié móét nog gebeur
in pot en pan, bo vlam en vuur,
hoe lank ómtowering ook mag duur.

Die priesteres staan stil opsy:
weer is ‘n dis volmaak berei.

whaw vir Jeff Hayes...

2009-07-05T20:46:00.000+02:00

Amazing kuns, die van Jeff Hayes, is al wat ek kan se^!! ...whaw! Sjoe, hoe verf mens 'n 'canned fruit' glasbottel dat dit soos 'n foto lyk??

Baie geluk Hugo!!

2009-06-30T19:54:00.000+02:00

...my geliefde het gister verjaar! ... baie baie geluk my man met hierdie viering van 'n nuwe lewensjaar wat begin het!... ek wens vir jou vrede, liefde, hoop, kreatiwiteit, 'enlightment', vreugde, rustigheid, 'fulfillment', en 'n lewenslange passievolle reis ...

"...Soos wat 'n ou woord soos mededoe
meer kan se^ as 'n nuwe. Vroeer was daar alleen

die haas om keer op keer te kry wat jy het.
Vroeer was daar alleen maar nou. Nou is daar ook toe.
Daar is veel meer om lief te he^.
Daar is meer maniere om dit te doen.

Selfs niksdoen is een daarvan.
Net maar by mekaar sit met 'n boek.
Of nie by mekaar nie, in 'n kroeg om die hoek.

Of mekaar 'n paar dae nie sien nie
en mekaar mis. Maar altyd mekaar,
nou al byna vyf jaar."
...woorde geleen by Herman de Coninck, vertaal deur Daniel Hugo

Lekkertes van onlangs...

2009-06-21T11:15:00.000+02:00

Die boek "Girl with a dragon tattoo" was 'n 'kannie-neersit' boek!! Voel naderhand nie meer asof jy lees nie... maar asof die storie voor jou afspeel...

Maak weer 'n slag pienk feetjie-koekies... soos die wat ek 'n ruk terug gemaak het vir Ilse se ooievaarspartytjie... hierdie keer is daar nie 'n rede... behalwe dat ek melancholies voel... lus om my tyd te neem en ietsie moois te skep...

Ons spandeer 'n lang naweek in Hermanus... in 'n plek met 'n lieflike uitsig! ... ons vier 'n verjaardag daar... kuier lekker saammet familie... ontdek allerhande kuns... en die belangrikste ... ons rus...!

Ons ry in 'n Kaapse reentjie een Saterdagoggend deur Stad toe en gaan beleef die Cape Town Bookfair 2009... 'n gedruis van mense met 'n passie vir boeke... oral net boeke... boeke... boeke... ek geniet een van my gunsteling produkte se stalletjies... "Mu and me"!!! ... Koop ook joernale met die lieflikste buiteblaaie van ... www.ecojot.com (gemaak in Kanada deur eks-Suid Afrikaners) en 2 'Notebook' boeke van Cavallini&Co...

Ons koop 'n stick blender.... en het al twee keer heerlike 'butternut' sop gemaak (dankie Cecilia vir die lekker resep!!) ... en mmmhhh.... marie beskuitjies fyn gekap daarmee... en omvorm tot klapper-kondensmelk-marie koekies met 70% donker sjokolade bo-oor....

Karin Jurick Art

2009-06-16T14:42:00.000+02:00

Karin Jurick se kuns maak die woord "passie" vir my lewendig!!

Haar blog: karinjurick.blogspot.com

Haar website: www.karinjurick.com

Saterdagoggend lekkerte

2009-06-06T11:40:00.000+02:00

Die lekkerte van vanoggend is dat ek tussen 3 bondels wasgoed en skottelgoed en netjies maak... 'n tydjie kry om sonder haas te sit in die flou warmte van 'n wintersonnetjie en betower te word deur die sketse en woorde in Sarah Simblet se "The Drawing Book"...
Die sequence op die kussinkies langs my vang die strale van die sonnetjie en reflekteer klompe sonkolletjies teen ons sitkamer plafon... Die agtergrond klanke van Arvo Part se Alina maak die oomblik perfek...

"If as artists we nail a subject down too hard, we can drive out its spirit, and lose the very thing that attracted us to it.
Our imaginations are the tools with which we can increase the essence of life, be visionary, and inspire others.
The observed world may be our subject, but it should be the experienced world we draw.
We all see differently...
There are countless reasons for drawing.
We should not try to know how every finished picture will look, but it is important to be clear why we are making it" ...Sarah Simblet

Comfort zones en passie

2009-06-05T16:30:00.000+02:00

Jen Gray

Loop die volgende aanhaling raak op Jen Gray se blog...

"Our biggest victories come from moving out of our comfort zones. Many people turn their back on their passions because they are too scared that criticism will kill them, or that their jealousy will wreck them, or that their need for control will paralyze them.
The truth is that in the end, it is our avoidance that wrecks us, kills our dreams, and paralyzes our actions."
~christine kane~

Tyd vlieg!!

2009-06-03T20:46:00.000+02:00

Hierdie dansende boom deur Melanie Ford Wilson laat my dink aan hoe die verloop van tyd 'n mens soms kan meesleur... in so 'n mate dat jou wortels begin wys en los wikkel. Matigheid is altyd 'n goeie idee... maar hoe gemaak as dit by passie kom?...

Lekkertes wat ons die afgelope tyd so laat vlieg het dat ons al dansende meegesleur is:

... Hugo is tans deel van 'n kalligrafie uitstalling in baie mediums by die ArtBGallery...

... Hugo begin sculpture klasse aanbied...

...ry al die pad Hermanus toe vir 'n Saterdagaand kuier saammet vriende... dankie Carel en Inge vir 'n fabulous kuier! Saammet Carel verwelkom ons sy ouers in die Kaap... en kuier ons heerlik met soppe, brode en poedings met name, 'Rolypoly' en Malva!... ons word die getuies van 'n huldiging van Carel se ouers deur hom... 'n experience wat ons lank met lekkerte sal bybly...

... 'n vriendin inspireer my en saam kuier ons een aand om die maak van blommetjie en hartjie broodjies met die lekkerste vulsels... 'n uiteindelike bederf vir my Leeskring...

... Hugo begin 'n mould-making klas bywoon... saammet ander 'like-minded' mense druk hy Saterdag oggende sy vingers in klei... en leer ongelooflik baie...

... my kunsklasse neem 'n interesante wending... ons word ge'challenge' om rondom die seerplekke in ons lewens te dink... tyd te spandeer om woorde te gee daaraan... en soos die dink en die woorde daar rondom gaan... so mettertyd... kry ons die sleutels tot visuele beelde ... wat uiteindelik hul le^ sal kom kry op ons canvas'se...

...Lees tans die boek, 'Girl with a dragon tattoo'... en dis 'n 'kannie-neersit'!...

Dis so saammet al die lekkertes wat mens soms tred van tyd verloor... tyd vlerke kry... en bome dans!

dare to look inside..

2009-05-16T21:33:00.000+02:00

Kuns van Varenka Paschke

"...as you work on your art, you will begin to rely more on your inner feelings and less upon the frozen image before you in the image you work from(?photo/picture)... Allow you inner feelings to direct and inspire you in design and color decisions. Seek at first to understand the technical, so that you have a sound foundation, but then dare to respond to your creative center. As the artist you can weave your own reality from the experiences around you..." Don Rankin

Most exciting day!..

2009-05-12T20:51:00.000+02:00

Afgelope Saterdag... ons 1ste studente kunsuitstalling.. die dag was vol sonskyn en gedeelde opwinding tussen ons studente wie almal vir die eerste keer deelneem aan 'n uitstalling..

Was 'n wonderlike geleentheid om dit wat in my hart is met die mense naby my te deel .. vir hulle 'n prentjie te gee van daar waar ek soveel vreugde put..

My 1ste painting ('n protea) is net mooi klaar om betyds te wees vir die uitstalling ..

'n Volmaak geseende dag met die samesyn van geliefdes (familie en vriende) en my mede kunsstudente wat my hartspassie deel in 'n atmosfeer van vreugdes-viering.. met totale bewustheid van die Liefde wat deur ons vloei..

kuns ontvlugting..

2009-05-09T20:36:00.000+02:00

..besluit op die ingewing ons ry 'gou' Philadelphia toe vir 'n kunsuitstalling wat hul in die week in die koerant geadverteer het... Die dag is pragtig... die lig is sag en die wolke steeds watte oral oor... Ons ontdek 'n baie aangename potter met wie Hugo lank gesels... en sien ook 'n skilder daar wat die galery beman wat ons ken van die KKNK ... gesels en deel haar entoesiasme oor die kuns op hul uitstalling... Die PepperTree restaurantjie flirt so mooi met ons, dat ons in gedagte belowe om gou weer 'n draai te kom maak...

Sielprikkels..

2009-05-09T20:22:00.000+02:00

Saterdagoggend(vorige naweek) staan ons vroeg op om net na 8h in die pad te val Baardskeerdersbos (B'bos) toe (daar is 'n ArtRoute - waar verskeie B'bos kunstenaars uitstal meestal by hul huise)... In Hermanus drink ons eers 'n ietsie warms by een van daai restaurantjies opi see... toe weer ini pad geval verby Stanford en net voor Gansbaai draai ons links in die Grootbos pad ... na so 5km kry ons die eerste Artroute bordjie ... hier sien ons nie wonderlike kuns nie, maar die venue is pragtig!! Dis so 'n outydse plaasopstal met verskeie kamers waar heelwat mense kan oornag en die uitstal venue is net langsaan waar hul kos kan bedien aan die groepe wat daar oorbly... albei geboue is reg langs 'n pragtige dam... die atmosfeer is vir my en H vol tower en daar en dan besluit ons... hierdie kan 'n wonderlike venue wees vir my verjaardag die einde van die jaar... ons het 'n oornag avontuur ingedagte en hierdie mag dalk net dit wees :)

Na nog so 10km grondpad kom ons aan in B'bos... 'n regte 'enchanting' plekkie!! Hier en daar huisies met groot pragtige ooptes van fynbos natuurskoon tussenin ... ons volgende stop is 'n klein huisie in die 'hoofstr' wat dien as Niel Jonker se uitstalruimte ... ons het hom by die KKNK ontmoet en dis deur sy vertel dat ons by Bbos se Artroute op geeindig het... die geboutjie is so effe vervalle... net die regte hoeveelheid om 'n wonderlike atmosfeer aan die kunsuitstalling te gee... die pryse sommer onder elke kunswerk op die muur in potlood geskryf...
Niel herken dadelik vir Hugo en is baie beindruk dat ons daar uitgekom het. 'n Heerlike geselsie volg!

So ry ons in hierdie dorpie vol natuur en met min huisies rond opsoek na al die venues volgens 'n klein kaartjie... ons af op 'n kerk-geboutjie wat nou dien as 'n workshop en verkoop ruimte van 'n hout-handelaar, met die lieflikste dam agteraan vol lelies wat ronddryf... by 'n volgende venue gesels ons met 'n dame wat saammet haar vriendin al 6 jr daar bly en 'n baie netjies groooot erf opgedeel het om al hul 'aanneem' diere te huisves - van beeste (almal het name!) tot bokke en 'n groot vark!... almal diere wat mishandel was op een of ander manier....

...by Joshoa Miles 'n skilder se huisie met 'n lieflik handgemaakte natuur tuintjie drink Hugo 'n 2de glas rooiwyn saam met hom na 'n heerlike geselsie ... ek moet na die tyd goedig raas en se^ teen hierdie stadige pas kom ons nie by al die kunstenaars uit nie! :)

... soos ons ry van kunstenaar na kunstenaar is ons diep onder die indruk van die ongelooflike natuurskoon ... dit het die oggend gereen en die lig was so vars op als.... die wolke groot sagte watte stukke in die lug en die fynbos gloei vol kleur oral in die velde... verskeie kere moet Hugo 'n noodstop doen sodat 'n paar fotos geneem kan word om te probeer met die onthou van hierdie besondere ervaring...

versindaba.co.za

2009-04-30T22:08:00.003+02:00

Met hierdie 100ste inskrywing in my blog wil ek 'n nuwe webtuiste, www.versindaba.co.za vier!

Viva vir die internet en sy manier om vir 'likeminded' mense 'n plek te skep om saam te kuier!!

Vir al die "taalgevoeliges" daar buite is daar nou 'n nuwe plek om tuis te kom... om meer te lees van nuwe digbundels wat verskyn... nuwe verse van gunsteling digters te lees... selfs blogs deur digters!!

'n Aanhaling uit Daniel Hugo se blog:

"Tuesday, April 28th, 2009
’n Hemp van vlam

In ons videowinkel kom Carina af op die bloederige maar fassinerende Britse TV-reeks Wire in the blood. Dit handel oor dr. Tony Hill, ’n psigiater met Asperger-sindroom, wat as profileerder van reeksmoordenaars vir die polisie werk. Een episode speel af in die dorpie Norton waar ’n hotel afbrand as deel van die misterieuse, rituele moorde wat daar plaasvind.
Dit laat my toe dink aan “Burnt Norton”, die eerste gedig van T.S. Eliot se Four Quartets. En, jouwaarlik, daar kom ek af op die reël “The trilling wire in the blood / Sings below inveterate scars.” Ek weet nog steeds nie wat dit beteken nie, maar die literêre speurder in my is tevrede: hy kon die oorsprong van die verwysing opspoor. Die intertekstuele DNS klop.
As ’n mens eers begin lees aan die Four Quartets, kan jy nie ophou nie. Dit is sekerlik, naas die Bybel en Shakespeare, een van die mees gekwoteerde tekste in die Westerse letterkunde. En met reg: daar is talle onvergeetlike formulerings vir die taalgevoeliges, en genoeg filosofiese waarhede vir die diepsinniges."

Avontuur...

2009-04-25T21:43:00.002+02:00

Avontuur op 'n doodgewone Saterdag...
... in 'n winters-voorskou van baie reen ry ek vanoggend na Stellenbosch... Daniel Hugo deel sy 'taalgevoeligheid' by die Protea Boekehuis ..en dan meer spesifiek mbt... sy nuutste digbundel, 'Die panorama in my truspieel' en gesels ook oor sy nuutste vertaling van gedigte deur Herman de Coninck genaamd 'Die lenige liefde'...
Louis Esterhuysen heet ons welkom met die woorde... 'baie dankie dat julle gekom het en die knelgreep van die duvet weerstaan het'...
Hierdie 'vernuf-digter'(Daniel Hugo) kom deel sy spel met die woord in sy kenmerkende stem (hoe beskryf mens so 'n stem met woorde? ... dit ontglip my nou...)...

Lees by lamplig

Natuurgedigte laat my maklik gaap.

Die inkskadu van 'n muskiet flits

oor my boek - vir 'n oomblik dag ek
'n woord het vleuels gekry. Dringend
in my oor skree dit iets wat duister bly.

Letters is die skaduwees van klank.
Maar hierdie skril, frenetiese woord
kan steek, en laat jeuk my heelnag lank.
Digterwoorde, daarenteen, is onskadelik:
selfs die skerpste hou jou selde uit die slaap.
-Daniel Hugo

Besoek die Johann Louw uitstalling by die Sasol Kuns museum 'n 2de keer... die keer saammet Ludi en Engela... Ludi explore saammet my en 6 ander studente Donderdagaande die kuns van olieverf en canvas en verfkwas... Saam bewonder ons hierdie kunstenaar se indrukwekkende werke ... indrukwekkend in grootte, tegniek en in beperkte kleur gebruik...

Hulle gaan wys my die 'Divine' deli koffie winkel en oor koffie en warm sjokolade kry waardevolle gesels gestalte...

Later deur die middag kuier ek by my ma, sus en ' n vriendin... die warmte van familie en vriende saam vul my siel tot boordenstoe vol en die familie-resep, sago poeding doen dieselfde vir my maag!

Twee webwerwe kom meld hulself ook deur die dag aan vir my 'gunsteling' lysie op ons rekenaar:
www.carinastander.com en www.versindaba.co.za