Sielprikkels..

Saterdagoggend(vorige naweek) staan ons vroeg op om net na 8h in die pad te val Baardskeerdersbos (B'bos) toe (daar is 'n ArtRoute - waar verskeie B'bos kunstenaars uitstal meestal by hul huise)... In Hermanus drink ons eers 'n ietsie warms by een van daai restaurantjies opi see... toe weer ini pad geval verby Stanford en net voor Gansbaai draai ons links in die Grootbos pad ... na so 5km kry ons die eerste Artroute bordjie ... hier sien ons nie wonderlike kuns nie, maar die venue is pragtig!! Dis so 'n outydse plaasopstal met verskeie kamers waar heelwat mense kan oornag en die uitstal venue is net langsaan waar hul kos kan bedien aan die groepe wat daar oorbly... albei geboue is reg langs 'n pragtige dam... die atmosfeer is vir my en H vol tower en daar en dan besluit ons... hierdie kan 'n wonderlike venue wees vir my verjaardag die einde van die jaar... ons het 'n oornag avontuur ingedagte en hierdie mag dalk net dit wees :)

Na nog so 10km grondpad kom ons aan in B'bos... 'n regte 'enchanting' plekkie!! Hier en daar huisies met groot pragtige ooptes van fynbos natuurskoon tussenin ... ons volgende stop is 'n klein huisie in die 'hoofstr' wat dien as Niel Jonker se uitstalruimte ... ons het hom by die KKNK ontmoet en dis deur sy vertel dat ons by Bbos se Artroute op geeindig het... die geboutjie is so effe vervalle... net die regte hoeveelheid om 'n wonderlike atmosfeer aan die kunsuitstalling te gee... die pryse sommer onder elke kunswerk op die muur in potlood geskryf...
Niel herken dadelik vir Hugo en is baie beindruk dat ons daar uitgekom het. 'n Heerlike geselsie volg!

So ry ons in hierdie dorpie vol natuur en met min huisies rond opsoek na al die venues volgens 'n klein kaartjie... ons af op 'n kerk-geboutjie wat nou dien as 'n workshop en verkoop ruimte van 'n hout-handelaar, met die lieflikste dam agteraan vol lelies wat ronddryf... by 'n volgende venue gesels ons met 'n dame wat saammet haar vriendin al 6 jr daar bly en 'n baie netjies groooot erf opgedeel het om al hul 'aanneem' diere te huisves - van beeste (almal het name!) tot bokke en 'n groot vark!... almal diere wat mishandel was op een of ander manier....

...by Joshoa Miles 'n skilder se huisie met 'n lieflik handgemaakte natuur tuintjie drink Hugo 'n 2de glas rooiwyn saam met hom na 'n heerlike geselsie ... ek moet na die tyd goedig raas en se^ teen hierdie stadige pas kom ons nie by al die kunstenaars uit nie! :)

... soos ons ry van kunstenaar na kunstenaar is ons diep onder die indruk van die ongelooflike natuurskoon ... dit het die oggend gereen en die lig was so vars op als.... die wolke groot sagte watte stukke in die lug en die fynbos gloei vol kleur oral in die velde... verskeie kere moet Hugo 'n noodstop doen sodat 'n paar fotos geneem kan word om te probeer met die onthou van hierdie besondere ervaring...

versindaba.co.za

Met hierdie 100ste inskrywing in my blog wil ek 'n nuwe webtuiste, www.versindaba.co.za vier!

Viva vir die internet en sy manier om vir 'likeminded' mense 'n plek te skep om saam te kuier!!

Vir al die "taalgevoeliges" daar buite is daar nou 'n nuwe plek om tuis te kom... om meer te lees van nuwe digbundels wat verskyn... nuwe verse van gunsteling digters te lees... selfs blogs deur digters!!

'n Aanhaling uit Daniel Hugo se blog:

"Tuesday, April 28th, 2009
’n Hemp van vlam

In ons videowinkel kom Carina af op die bloederige maar fassinerende Britse TV-reeks Wire in the blood. Dit handel oor dr. Tony Hill, ’n psigiater met Asperger-sindroom, wat as profileerder van reeksmoordenaars vir die polisie werk. Een episode speel af in die dorpie Norton waar ’n hotel afbrand as deel van die misterieuse, rituele moorde wat daar plaasvind.
Dit laat my toe dink aan “Burnt Norton”, die eerste gedig van T.S. Eliot se Four Quartets. En, jouwaarlik, daar kom ek af op die reël “The trilling wire in the blood / Sings below inveterate scars.” Ek weet nog steeds nie wat dit beteken nie, maar die literêre speurder in my is tevrede: hy kon die oorsprong van die verwysing opspoor. Die intertekstuele DNS klop.
As ’n mens eers begin lees aan die Four Quartets, kan jy nie ophou nie. Dit is sekerlik, naas die Bybel en Shakespeare, een van die mees gekwoteerde tekste in die Westerse letterkunde. En met reg: daar is talle onvergeetlike formulerings vir die taalgevoeliges, en genoeg filosofiese waarhede vir die diepsinniges."

Avontuur...

Avontuur op 'n doodgewone Saterdag...
... in 'n winters-voorskou van baie reen ry ek vanoggend na Stellenbosch... Daniel Hugo deel sy 'taalgevoeligheid' by die Protea Boekehuis ..en dan meer spesifiek mbt... sy nuutste digbundel, 'Die panorama in my truspieel' en gesels ook oor sy nuutste vertaling van gedigte deur Herman de Coninck genaamd 'Die lenige liefde'...
Louis Esterhuysen heet ons welkom met die woorde... 'baie dankie dat julle gekom het en die knelgreep van die duvet weerstaan het'...
Hierdie 'vernuf-digter'(Daniel Hugo) kom deel sy spel met die woord in sy kenmerkende stem (hoe beskryf mens so 'n stem met woorde? ... dit ontglip my nou...)...

Lees by lamplig

Natuurgedigte laat my maklik gaap.

Die inkskadu van 'n muskiet flits

oor my boek - vir 'n oomblik dag ek
'n woord het vleuels gekry. Dringend
in my oor skree dit iets wat duister bly.

Letters is die skaduwees van klank.
Maar hierdie skril, frenetiese woord
kan steek, en laat jeuk my heelnag lank.
Digterwoorde, daarenteen, is onskadelik:
selfs die skerpste hou jou selde uit die slaap.
-Daniel Hugo

Besoek die Johann Louw uitstalling by die Sasol Kuns museum 'n 2de keer... die keer saammet Ludi en Engela... Ludi explore saammet my en 6 ander studente Donderdagaande die kuns van olieverf en canvas en verfkwas... Saam bewonder ons hierdie kunstenaar se indrukwekkende werke ... indrukwekkend in grootte, tegniek en in beperkte kleur gebruik...

Hulle gaan wys my die 'Divine' deli koffie winkel en oor koffie en warm sjokolade kry waardevolle gesels gestalte...

Later deur die middag kuier ek by my ma, sus en ' n vriendin... die warmte van familie en vriende saam vul my siel tot boordenstoe vol en die familie-resep, sago poeding doen dieselfde vir my maag!

Twee webwerwe kom meld hulself ook deur die dag aan vir my 'gunsteling' lysie op ons rekenaar:
www.carinastander.com en www.versindaba.co.za

Saterdag lekkertes deel II

Saterdagoggend gesels Andre P Brink oor sy memoir, Vurk in die Pad, in die ProteaBoekeHuis in Stellenbosch...

"Om aan te hou... dis 'n bevestiging dat jy leef." Andre Brink

Varenka Paschke se uitstalling van haar kunsbydrae tot haar boek "Stillewe" saammet Stef Bos is by die Dorpstraat Gallery te sien.

By die Sasol Kuns museum is die mees indrukwekkende werke van Johann Louw... die formaat is baie groot ... die kleur en tegniek steel jou asem vir oomblikke op 'n slag!

Lekkertes van 'n Saterdag...

Afgelope Saterdagmiddag ... na lang en deeglike beplanning om 'n datum te kry... kuier ek en 'n vriendin saam... met droe vrugte, paasbroodjies en sjokolade as verkwikking van die liggaam... is ons uiteindelike doel... 'n bevrediging van 'n sielsbehoefte (of te wel 'n passie...) ... ons gaan saam 'n skildery verf... vir my baie goeie oefening vir iemand wat baie onlangs skilder begin ontdek het... en vir haar, 'n volwaardige kunstenaar... maar met 'n 2jarige in die huis ... 'n kans om weer met 'n kwas te werk...
Onderstebo (mens fokus so makliker net op vorm) en 'n blokkie op 'n slag... probeer ons 'n na-skilder van een van Cezanne se skilderye... met die fokus op speel en minder wroeg oor elke kwashaal...

Vier ure later het ons die 4 kern blokkies van die skildery voltooi... en gaan ek huis toe met 'n vreugdes-prikkel diep in die binneste van my siel...

"Stillewe"

Varenka Paschke en Stef Bos lees voor uit hul boek "Stillewe" by die KKNK 09

Na 'n besoek aan die fees van die dood in Mexiko kry hierdie boek sy gestalte deur die kuns van Varenka in kombinasie met die woorde van Stef...

"As ek oud word
wil ek oud wees
Geen gladgestrykte plooie
Geen uitgewiste spore
van geluk en verdriet
maar 'n oop verlede
'n landkaart
wil ek wees
waarop jy my lewe
kan lees" ...stef bos

Laat een aand tydens die Mexikaanse fees van die dood vertel Stef, sien hy sy oorlede ma... daar is baie min tussen die dood en die lewe... tussen ons werklikheid en 'n plek sonder tyd...

"Die dood asem ons in en uit" ...stef bos

Daar ver oor die see in daardie anderland is begraafplase in die middel van die dorp - hul dooies deel van die lewe - nie uitgestoot tot die rante van die dorpe agv die lewendes se ongemak met die dooies nie...

Stef Bos

Stef Bos vertoning ... 800 mense... net hy en sy klavier... hy her-definieer homself en sy musiek, 'n ervaring van effe buite ons we^reld... met gemak gebring tot by ons... asof hierdie oomblikke nog altyd so presies beplan was om hier so in tyd in te gleuf...
Stef en Varenka Paschke se boek 'Stillewe' word die volgende dag bekend gestel in die intimiteit van net 30 mense - tydens hierdie gratis 'show' sing Stef met sy trekklavier 'Suikerbossie' terwyl hy tussen ons rondloop en serenade... 'n vrou wat gou inglip om 'n boek te koop, maar nie tyd het vir die vertoning nie... waar kan vir haar meer belangrik wees as juis daar... wonder ek..

Langkloof stilte...

"...ek vind weer stukkies essensie hier waar ek sit in 'n ou skuur en uitkyk oor 'n stukkie Langkloof so groot soos die skuurdeur toelaat... ons stadsjapies ken nie die boom se naam hier reg naas ons nie... dan 'n heining... met 'n aalwyn in die veld net digby... in die verte net voor die hang van die eerste heuwel staan spikkel-skapies... hul ge-me^ klink nou en dan op uit die stilte... effe gesplinter tussen die ritsel van die blare..."

Fees van die Kunste te Oudtshoorn

"...ervarings verwoord vanuit die stilte van die Langkloof... skeef en krom hierdie verwoording van ervaringe veel groter as ek, 'n enkele mens... 'n vasloop teen my passies... en my passies wat bereid is om met my tyd te spandeer... om van hulself met my te deel... 'n raaiselagtigheid wat stukkies 'waarheid'... stukkies sinvolheid... vir my terugkaats..
ons 4 dae by die fees van die kunste in die klein karoo seen ons met 'n oorvloed woorde, beelde, ervarings... gewaarwordinge... wat stukkies van ons siele aan ons teruggee... sielvolheid... vreugdes van diep binne ons los maak..."

bederf

afgelope naweek se bederf...

...ons hang liggies in ons sitkamer en kombuis van Sisonke Creations,

...ek raak die trotse eienaar van 4 nuwe Winsor en Newton olieverf-kleure,
alizarin crimson, prussian blue, renaissance gold en indian yellow...

...ek kry eindelik tyd om luilekker my boek van die oomblik te beleef...
'The secret scripture' deur Sebastian Barry

Maandagaand kry ons die kans om die bederf aan te gee in die vorm van
groenboontjie bredie met oond-groente, aan geliefdes...

Om bederf te voel of om iemand anders te bederf ... beide raak jou glimlag aan...

Woordfees: Joan Hambidge

“Vuurwiel” die nuutste digbundel van Joan Hambidge word bekendgestel. Dit is haar 22ste digbundel!

Die digbundel vertrek met die volgende:

”What kind of beast would turn its life into words?” Andrienne Rich

“Poets alone should kiss and tell” Dorothy Parker

Tydens die uur van gesprek reen daar (weereens!) ‘n duisternis betekenisvolle woorde en gedagtes in en om ons…

Van ‘die konfrontasie met die kontradiksies in jouself’… ‘die skryfproses amper ‘n tipe 3de figuur in my verhoudings’… ‘die palindroom – ‘n tipe spieelteks – wat begin op ‘n sekere plek en eindig met ‘n teenstelling’… ‘die onbewuste van jouself word geskep deur jou verhoudinge en ervaringe met ander’… tot ‘n ‘kop eerste ingaan in jou delikate dele –gestroop van sekerheid’ wat ek vir myself neem as ‘n tipe onvoorwaardelike uitleef van jou passie.

Joan vertel hoe belangrik skryf vir haar is… ‘soos blare waaruit ons suurstof kry’

Woordfees: Hennie Aucamp gehuldig

Hennie Aucamp - "Vir 'n Voyeur De La Vie is die ganse lewe onwettige teater"

Belewenisse van belee jare se omgang met woorde... tydens die Woordfees, op 'n Dinsdag aand in die teenwoordigheid van 'n woordkunstenaar wat na 75jr so gemaklik omgang vind met dit waarvoor hy sy lewe lank passievol lief was... woorde!

Andries Visagie, Amanda Strydom en Hennie Aucamp self bied 'n voelvlug oor 'n meester, 'n woord en klank kunstenaar by uitstek, se 75 jaar.

Verskeie woorde word gebruik om iets te probeer vasvang van hierdie oorbluffend veelsydige taalmens... en om in die middel van 'n duisternis van beskrywende woorde te wees en dan agterna daarvan te probeer sin uitmaak... wel, hierdie luisteraar kan net sinsnedes hiervan weergee:

Sy taal-liefhebberye...

Sy uitmuntende taal en stylbeheer...

Wyd en suid word antwoord gegee op wat hy doen...

Jaloerse bewaarder van beskaafde waardes...

'n Dekadente skoonheids ideaal...

Aweregse belangstelling in moraliteit...
Kaberet = 'beskaafde protes'

Hennie Aucamp verwys ook na die 'ongebruikte self'... word bewus van daardie 'ongebruikte self' in jou en begin om dit te ontdek en te besing vir wat dit wil wees.

"Die besef van verganklikheid is die grootste enkel kreatiewe stimilus" Amanda Strydom

'n Besige interseksie van kuns in my kop!

My kop voel 'n voetganger in die middel van 'n besige interseksie van kuns! Soveel hoofpaaie wat in die kwessie van 'n week my pad kruis. Soveel indrukke. Hopenlik kan ek deur 'n paar inskrywings hier probeer sin maak uit die verkeersknoop in my kop.

voorliefde, bespiegel, insisiatief, fynproewer, in limbo, terugblik, ligdans, vertelkuns, vermaak, patos, pikante, oulap, versugting, droom, tydsgees, boekeblaaie, kragtoer, drentel, salig, memoires, kwinkslae, kleurig, erns, fynslyper, toenterjare... woorde as agter-versiersel van 'n verhoog by die Woordfees

Hierdie woorde bring iets van die belewenisse van passie na die oppervlak.

Audrey Blignaut

Hennie Aucamp, Marie Heese, Amanda Botha

Beleef 'n wonderlike Woordfees beskouing van Audrey Blignaut se lewe... die geheimenisse van 'n lewe...
Die 3 aanbieders, Hennie Aucamp (vriend van Audrey), Marie Heese (Audrey se dogter) en Amanda Botha (40jr lange vriendin van Audrey)... gee 'n baie interesante weergawe van die lewe van Audrey Blignaut...
Net soos in die briewe van Audrey Blignaut wat onlangs verskyn het, "Blywende Vreugde", word die leser/luisteraar gekonfronteer met interesante, verrassende vertellings ... verskye nuwe perspektiewe op 'n skrywer... wat ons dog ons 'ken'...

Snikheet!

Die hitte wat ons die afgelope tyd in die Kaap beleef laat my onwillekeurig dink aan 'n gedig van Riana Scheepers:

Springbok

Hier's niks. Maar dis mooi.

die wind waai 41 grade Celsius

in my bikini ry ek

deur die hel

in my bikini van skroei-oranje

deur die hel

komkommerkoel

1ste painting...

my 1ste painting...

"They are the first cracks in your egg, releasing you into your new life..." Dit is wat Danny Gregory te se^ het oor 'your first art' in sy funky book "The Creative License".

Besig met my 2de painting en die 'vrees' van 'ek's nie goed genoeg nie' en 'ek gaan dit nie regkry nie'... kom linger in my kop...
Die aanvanklike 'high' van whaw... ek kan 'kuns' doen... om vir myself te bewys 'stokmannetjies' is nie al wat in my 'repetoir' is nie... is besig om bietjie te taan... en in sy plek kom 'n effense 'plato' in my leer en toepassing van wat ek leer... ek sukkel...
Ek sukkel om dit wat ek sien... visueel oor te dra...
Tog deur hierdie proses leer ek die hele tyd... van werk dwarsdeur die vrees... om sensitief te wees vir die leer-proses en die konstante vordering (al is dit baba-treetjies) te vier as mini-oorwinnings!
"These drawings were done for one reason only; to see before I die" Frederick Franck

woorde... kuns... kuier...

Carel en Inge (foto van Carel)

Carel, Inge, Martie en Gawie... dankie vir 'n heerlike kuier Vrydagaand! Julle verstaan van passie en die journey saammet dit... Ons voel 'looked-after' met julle in ons community van vriende...

Dylan Lewis

Van Dylan Lewis se werke by die Rupert Museum

"The source of Dylan Lewis's inspiration is the wilderness; initially it was in chiselled canyons and on arid plains that he first experienced the sense of being 'at home', and it has never left him."

Valentyn

Cupcake handgemaak deur Liezl
(hartjie handgemaak deur Marelize van "Bite Me")

Dankie my geliefde vir die coolste Valentynsdag nog ...
...'n besoek aan die nuwe DorpStraat Gallery wat die mooiste Marike Prinsloo beelde op die oomblik vertoon... 'n lui lekker droom dwaal tussen Rodin beelde in die Rupert Museum... opgewonde raak oor die kuns van Jean Welz... saam amazed staan voor die werke van Dylan Lewis, so vertoon dat dit bydra tot die amazingness van die kuns wat uit die man se hande vloei... saam gaan ontspan tussen wildedadelpalm en klokkiebos in die botaniese tuin... met bobotie en geel perskes... agterna die luukse van gaan sit en waarneem en teken... natuurlik met die nodige sjampanje as inspirasie...

My geliefde, jy deel my intiemste passies ... 'n valentyn by uitstek!!

moeg...

Gail Gwinn

moeg... moeg... moeg... ek wens vir rus... fisiese rus... slaap en slaap en slaap...

Uiteindelik...

My website is aktief!!

'n Kuns...

Alessandro Papetti

Ontdek vanaand die wonderlike kuns van Alessandro Papetti! ... ag dis sommer olie op my passie binne-vure!

Vanaand my 1ste kunsklas vir die nuwe jaar gehad... en ek had 'n paar oomblikke wat vrees my kom vertel... hierdie amper klaar painting wat die hele Des - tot in die nuwe jaar, in jou sitkamer staan en vir jou kyk... jy gaan nou verkeerd maak as jy verder gaan werk aan hom!
Gelukkig is my kunsjuffrou daar om my te herinner... ek moet speel... ek moet goed uitprobeer... ek moet die banggeit laat gaan... speel hom moeg!

Woordkunstenaar verjaar!

Hierdie absolute passievolle omganger met die woord het gister 75 jaar oud geword!!

Woorde deur Hennie Aucamp:

'n Windharp teen die tyd

"God skenk ons liedjies in die nag"
-dit staan in Job en die Psalms-
want dan eers raak sy we^reld stil,
gesuiwer van ons walms.

Dan eers raak die denne hoorbaar
met winde van die uur:
dan eers raak die sterre leesbaar
met silwer binnevuur.

Stokou denne langs my huis
sing naglank monoloe,
praat groot en hees en digterlik
en stem jou ingetoe

Dan eers kan ek jou onthou
soos jy eenmaal was vir my:
en sing ek met my bome saam
en stel my liefde vry.

Glinsterpunte van die sterre
in dieptes van oneindigheid
reik uit en vang ons liedjies op:
'n windharp teen die tyd

harts-tog-telik

deur David Gignac

"Great works of art pass through us like storm-winds, flinging open the doors of perception,
pressing upon the architecture of our beliefs with their transforming powers. We seek to record
their impact, to put our shaken house in its new order. Through some primary instinct of
communion we seek to convey to others the quality and force of our experience"
...George Steiner

Somers...

'n Heerlike somersdag Saterdag in Kalkbaai... ons explore... ek gaan loer in by Beatnik Bazaar, die cute'ste plekkie, met die amazing'ste kuns van kunstenaars in en om Kaapstad.
Die ArtVark gallery winkel het 'n vriendin van ons, Lizette Liebenberg se figuursketse ... lieflike kuns!!
Die KalkBay Modern het 'n tekstiel uitstalling... wat insluit Bokkie skoene - so amazingly gemaklik en verfrissend Suid Afrikaans! en klere/tekstiele ontwerp deur Sway... beautiful!!

Die son is skerp en die kleure oral om ons is intens... van die blou lug... die berge... die winkeltjies elk in hul eie unieke bloue, gele (die kwekery) , pienke... witte (Cape to Cuba) tot die see getooi in 'n donker blou vol wit seeperdjies... en strande kleurryk versier met baaiers... heerlik somers... vry...

Stil tyd... saammet woorde...

Min dinge so rustig vir my as om tyd te verwyl tydens 'n heerlike somers laatmiddag op ons tuin bankie met boeke... Arvo Part se Alina net net hoorbaar van binne die huis en die heerlike geure van 'n kruie hoender gereg wat prut op die stoof... 'Splendidly happy!'...

"you cannot see your reflection in running water, only in stil water" zen se^ ding

the path... into 2009

'n Kiekie van 'n oomblik op my reis deur die lewe

Vir 2009 wens ek vir genoeg stilte en dissipline om te kan hoor waar my eie unieke pad is... waar is die beste plek vir my om ten volle authentic(getrou aan my eie unieke self) te wees... waar presies is my eie unieke waarheid... waar moet ek wees om vir die mense om my 'n blessing te kan wees...

"...elkeen van ons het 'n pad, jou eie voetpaadjie wat net deur jou eie voetspoor oopgetrap kan word... elkeen 'n baie unieke pad... jou binnelandskap se paadjies...
Hierdie paadjies wys nie sommer hulself nie... hy wys homself eers wanneer jy reg is daarvoor... maar as jy jou pad eers het, loop jy hom in jou waarheid...
Dis die geloof in jou waarheid wat jou binnelandskap se paadjies oopmaak..."
-Antoinette Pienaar, Boeke-Insig

"It is better to live your own destiny imperfectly than to live an imitation of somebody else's life with perfection. So now I have started living my own life. Imperfect and clumsy as it may look, it is resembling me now, thoroughly"
-Elizabeth Gilbert, 'Eat,Pray,Love'

Wense vir 'n Geseende Kerstyd!

Wense van liefde, hoop en 'n geseende geloofs-ervaring vir hierdie Kerstyd,
...en belewenisse van vreugde, eenvoud, passie en genade vir 2009!!

die naweek...

Ontdek die naweek hierdie oulike winkeltjie, "The Love Project" in Kloofstraat nr.55 en die lekkerste is dat hulle van my kaartjies gaan verkoop!

'n Vriendin maak die mooiste koek vir 'n 1jaar oue partytjie... :

Sien die mooiste kuns van Audrey Anderson by die iArt gallery in die stad:

Gaan verken my gunsteling Langstraat winkel; "...still life":

Soek 'n uitstalplekkie in ons huis vir ons nuutste kuns aankoop; 'n skilderytjie van Susan Grundlingh:

Beautiful!!!

The winged Victory of Samothrace

Sien weer vandag hierdie 'most beautiful' beeld op een van die voorblaaie van 'n kunsboek... en raak weereens verlief op die amazing 'presence' wat saammet hierdie beeld gaan! Die marmer beeld van die Griekse godin Nike (Victory) dateer uit 220 - 190 BC. Dis in April 1863 ontdek deur 'n franse amateur argeoloog, Charles Champoiseau, op die Griekse eiland, Samothrace. Vanaf 1884 word die 'Winged Victory' al vertoon op dramatiese manier aan die bo-punt van die Dara trap in die Louvre museum in Parys.
Woorde ontwyk my om te vertel hoe hierdie 'amazingness' my betower en meevoer...

You are...

art from Gail Gwinn

'you are not alone.

you are not broken.

you are still you.

you are capable.

you are healing.

you are going to be okay.

you are not powerless.

you are on your way.'

from the blog of JenGray

39

Op 39 voel ek vry en geanker... vry van die hartseer van die verlede, vry van wat mense dink, vry om ten volle te ontdek wie ek is in al die uithoeke van my hart... geanker in my geliefde se hart, geanker in die uitleef van my passies, geanker in my familie en vriende se omgee, geanker in my God wat my daagliks verras op amazingly unieke maniere wat my 'wees' so perfek komplimenteer... ek voel vry deur die ankers van genade, vrede en liefde oral rondom my...